વડોદરા ના મુકેશ હરજાણી હત્યાકેસ નો આરોપી કલ્પેશ કાછીયા કોર્ટ માં હાજર થયો

વડોદરા માં ભારે ચર્ચા જગાવનાર ગેંગસ્ટર મુકેશ હરજાણીહત્યા કેસના આરોપી એવા કલ્પેશ કાછિયા આજે બપોરે કોર્ટમા હાજર થયો હતો.વડોદરાના કુખ્યાત ગેંગસ્ટર મુકેશ હરજાણીની શહેરના હરણી રોડ પર આવેલી વૃંદાવન ટાઉનશીપ પાસે 20 ઓક્ટોબરની રાત્રે શાર્પ શૂટરોએ 9 રાઉન્ડ ગોળીબાર કરી હત્યા કરી નાખતાં ચકચાર મચી હતી.પોલીસે મુકેશ હત્યા પ્રકરણની તપાસ માટે ખાસ ટીમ બનાવી તપાસ કામગીરી હાથ ધરતાં શાર્પશૂટરોને રતલામથી ઝડપી પાડ્યા હતા.બાદમાં ભાગેડૂ જાહેર કરાયેલા સંજય દવે ઉર્ફે આરડીએક્ષે પોતાના વકીલ મારફતે ગત તારીખ 17 નવેમ્બરનાં રોજ કોર્ટમા અરજી કરી સરંડર કરી દીધુ હતું.ત્યારબાદ આજે વધુ એક આરોપી કલ્પેશ કાછિયાએ પણ વકિલ મારફતે કોર્ટમાં અરજી કરી શરણાગતિ સ્વીકારી હોવાની વાત વહેતી થતા મુકેશ હરજાણી હત્યા કેસ ફરી એક વાર સપાટી ઉપર આવ્યો હતો.