વડોદરાઃ પોલીસે રોડ અકસ્માત રોકવા માટે વિંક ગર્લ પ્રિયા પ્રકારની મદદ લીધી

એક વિડીયો દ્વારા ઇન્ટરનેટ પર છવાઇ જનાર પ્રિયા પ્રકાશનાં વિંક સ્ટાઇલને પોલીસે પોતાના અભિયાનમાં પણ સામેલ કરી દીધી છે. ગુજરાતનાં વડોદરા શહેરની પોલીસે સોશિયલ મીડિયા પર સેફ ડ્રાઇવિંગ કેમ્પેઇનને લઇને એક મેસેજ શેર કર્યો હતો. આ કેમ્પેઇન માટે વડોદરા પોલીસે વાયરલ ગર્લ પ્રિયા પ્રકાશ વારિયરની વિંક સ્ટાઇલનો ઉપયોગ કર્યો હતો. પ્રિયા પ્રકાશની તસવીર સાથે તૈયાર કરવામાં આવેલા આ ક્રિએટિવ કેમ્પેઇનની ઘણી ચર્ચા થઇ રહી છે. વડોદરા શહેર પોલીસે યંગસ્ટર્સને ધ્યાનમાં રાખીને સુરક્ષિત રીતે ડ્રાઇવિંગ કરવાનાં સંદેશને ક્રિએટિવ રીતે રજૂ કર્યો હતો. વડોદરા સિટી પોલીસે સોશિયલ મીડિયા પર પ્રિયા પ્રકાશની વિંક સાથે એક પોસ્ટર જાહેર કર્યું હતું. જેમાં લખવામાં આવ્યું હતું, ‘આંખ ઝપકતા જ દુર્ઘટના થઇ શકે છે. વિચલિત થયા વગર કાળજીપૂર્વક ગાડી ચલાવો.’