ધરમપુર સ્ટેટ હોસ્પિટલ માં દર્દી ને સારી સારવાર ન મળતા ધારાસભ્ય સહિત સરપંચે કરી તપાસ

જિલ્લાના આદિવાસી વિસ્તારમાં એક માત્ર આશાસમાન ધરમપુર નું સ્ટેટ હોસ્પિટલ માં છેલ્લા ઘણા સમય થી દર્દી ને સારી સારવાર નથી મળતી સાથે ડોક્ટર દ્વારા ચોક્કસ સમયે હાજરી ના હોવા ની ઉઠેલ બુમો ના પગલે આજરોજ ધારાસભ્ય ઈશ્વર પટેલ સાથે સરપંચ દિલીપ ભાઈ, મોતીઢોલ ડુંગરી સરપંચ નવીન ભાઈ,સૌંદર ના સરપંચ રામજી ભાઈ,વલસાડ જિલ્લા યુથ મહામંત્રી કલ્પેશ પટેલ અને જાગૃત આગેવાનો ભેગા મળી અચાનક સ્ટેટ હોસ્પિટલ ની મુલાકાતે આવી તમામ દર્દી ની અપાતી સારવાર અંગે તપાસ કરવા આવી પોહચતા ઉપસ્થિત નર્સ-ડોક્ટરો અને ઉપસ્થિ હોસ્પિટલ સ્ટાફમાં ફફડાટ મચી જવા પામી હતી. જ્યારે આ તમામ અધિકારી દ્વારા ડોકટર તથા હોસ્પિટલ ડિન સાથે મુલાકાત કરી સમગ્ર પ્રશ્ન અને દર્દી ને પડતી મુશ્કેલ દૂર કરવા અપીલ કરવામાં આવી હતી. અહીં ઉલ્લેખનીય છે કે હાલે ગયે વરસે જ કરોડો રૂપિયા ખર્ચીને ગુજરાત સરકારે ધરમપુર સ્ટેટ હોસ્પિટલ ને અદ્યતન રૂપ આવ્યો હતો. પરંતુ પ્રોફેશનલ સ્ટાફની ઘટ અને જે સ્ટાફ હોસ્પિટલમાં નિમણુંક પામે છે તે આ હોસ્પિટલ ને અને દર્દીઓને પોતાનાં સમજી કાર્ય કરતા નહોઇ આ પ્રકારની મુશ્કેલીઓ સર્જાય છે જેનાથી દર્દીઓનાં જીવ ગુમાવવાનો વારો આવે છે અને એવું લાગે છે કે આપણે ત્યાં માનવીનાં જીવનની કિંમત કોડીની નથી.