વાપીથી 12 કિમીના અંતરે આવેલાં ઉદવાડા ગામમાં રાષ્ટ્રીય લઘુમતિ કમિશનનાં ઉદવાડા પારસી સમુદાયના વડા દસ્તુરજીની સભ્ય તરીકે નિમણૂંક કરાતાં શનિવારે ઉદવાડા ગામના મિરઝા હોલમાં સન્માન કાર્યક્રમનું આયોજન કરવામાં આવ્યું હતું. આ પ્રસંગે વડા દસ્તુરજીએ જણાવ્યું હતું કે દેશના વડાપ્રધાન નરેન્દ્ર મોદીએ માઇનોરિટીઝ માટે 15 વિવિધ યોજનાઓ બનાવી છે. આ યોજનાનો લાભ માઇનોરિટીઝ સમાજના લોકોને મળે તેવા પ્રયાસો કરવામાં આવશે. મુંબઇના દસ્તુરજી એરવેદ ફિરોઝ કોટવાલનું વિશેષ સન્માન કરવામાં આવ્યું હતું. ઉદવાડા પારસી અંજુમન ,વાપી,વલસાડ,નવસારી,સુરત પારસી સમુદાયનાં અગ્રણીઓએ વડા દસ્તુર ખુરશેદજીનું સ્વાગત કર્યું હતું. માંગેલા સમાજના અગ્રણી મહાદેવ માંગલા,ગજાનંદ માંગેલા, સમાજનાં અગ્રણી ,વાપી મુસ્લિમ સમાજના અગ્રમી મુફતી જીયાઉર રહેમાન, યુસુફ ઘાંસી, વાપી ખ્રિસ્તી સમાજ એસોશિયના અગ્રણીઓ,વાપી-દમણ શીખ સમુદાય કરણજીતસિંગ તેમજ તેમની દ્વારા પણ સ્વાગત કરાયું હતું. આ પ્રસંગે પારડી ધારાસભ્ય અને વલસાડ જિલ્લા ભાજપ પ્રમુખ કનુભાઇ દેસાઇ, સંસદસભ્ય કે.સી.પટેલ, જિ.પ્રમુખ જીતેન્દ્ર ટંડેલ,પારડી મામલતદાર આર.સી.પટેલ, પારસી સમુદાયનાં એફડીયુનાં ચેરમેન દિનશા તંબોલી,યઝદી કરજીંયા,રોહિગ્ટન,ઝરીર દસ્તુર ઉપસ્થિત રહ્યાં હતાં. કાર્યક્રમનું સંચાલન રૂકશાના દસ્તુર તેમજ તેમની ટીમે કર્યું હતું.. ઉદવાડા ગામમાં યોજાયેલા સન્માન સમારંભમાં માઇનોરિટિઝ સમાજના આગેવાનો ઉમટી પડયાં હતાં.


SATYA DESK
Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.