વલસાડના ધોબીકુવા ગામમાં જુગાર રમતા પાંચ ઇસમોને રૂરલ પોલીસે ઝડપી પાડ્યા

વલસાડના ધોબીકુવા ગામમાંથી ગત રાત્રે રૂરલ પોલીસે પાંચ ઇસમોને જુગાર રમતા ઝડપી પાડ્યા હતા. જે માંથી એક ઇસમ ભાગી છૂટ્યો હતો.
પોલીસ સુત્રો પાસેથી પ્રાપ્ત માહિતી મુજબ વલસાડના ખેરગામ રોડ પર આવેલા ધોબીકુવા ગામમાં ત્રણ રસ્તા ધ્રુવી જનરલ સ્ટોર્સ પાછળ જુગાર રમી રહેલા અમોલ નરેન્દ્ર વાનખેડે રહે. મોગરાવાડી હીરા ફેકટરી સામે, ઐયુલ અજીત પઠાણ રહે. ધોબીતળાવ વડચોક જલામંદિર પાછળ, અફજલ ઉર્ફે કાસમ કાદીર શેખ રહે.ખેરગામ જુનુ સરકારી દવાખાના પાસે ચીખલી, નટુભાઇ ધુરીયાભાઇ પટેલ રહે. ઘેજગામ ઝાડી ફળીયા ચીખલી નવસારી, ધીરૂભાઇ લક્ષ્મણભાઇ પટેલ રહે.ગૌસરણ તા.ચીખલી નાઓને વલસાડ રૂરલ પોલીસે ઝડપી પાડ્યા હતા. જેમાંથી એક આરોપી દિપક ભાગી છૂટ્યો હતો. ઝડપાયેલા ઇસમો પાસેથી રોકડ રૂપિયા ૧૧,૦૦૦ મોબાઇલ નંગ-૧૩ મળી કુલ મુદ્દામાલ રૂપિયા ૨૫,૯૬૦ નો કબ્જે  કરી ગુન્હો નોંધી આગળની તપાસ હાથ ધરી છે.