વલસાડ આર્ટસ કોલેજે ગિનિસ બુક ઓફ વર્લ્ડ માટે ઇતિહાસ સર્જી 60 વર્ષ ની કરી ઉજવણી..

વલસાડ ખાતે આવેલી જે પી શ્રોફ આર્ટ્સ કોલેજ દ્વારા આજે 4 જેટલા ગીનીશ બુક ઓફ વર્લ્ડ રેકોર્ડ માટે એટેમ્પ્ટ કર્યા હતાં. જેમાં ઓરીગામી સ્કલ્પ્ચર બનાવવા, એક સાથે ટીન ખોલવા, ટીશર્ટ ઉપર સ્લોગન લખવું, તેમજ ટીશર્ટને ફોલ્ડ કરવું એમ ચાર રેકોર્ડ બનાવવા માટે એટેમ્પ્ટ કરવામાં આવ્યા હતાં. કોલેજના 60 વર્ષ પૂર્ણ થયાની ઉજવણી પ્રસંગે કોલેજ દ્વારા આ રેકોર્ડ બનાવવામાં આવ્યા છે.વલસાડ ખાતે આવેલ જે પી શ્રોફ આર્ટસ કોલેજને 60 વર્ષ પૂર્ણ થયાં છે ત્યારે આ 60 વર્ષોની ઉજવણીને એક ખાસ બનાવવા માટે કોલેજના પ્રાધ્યાપકો સાથે વિદ્યાર્થીઓ દ્વારા એક ખાસ આયોજન કરવામાં આવ્યું હતું. જેમાં કોલેજના વિદ્યાર્થીઓ અને પ્રાધ્યાપકો મળી કુલ 1321 જેટલા લોકો દ્વારા 4 જેટલા ગીનીશ બુક ઓફ વર્લ્ડ રેકોર્ડ ને તોડવા માટેના એટેમ્પ્ટ કરવામાં આવ્યા હતાં. કોલેજના ગ્રાઉન્ડમાં આ ચાર જેટલા રેકોર્ડ તોડવામાં આવ્યા હતાં. જેમાં પેપરમાંથી બનાવેલા ઓરોગામી સ્કલ્પ્ચર, અમૂલ કુલ કોકોના ટીન ખોલવાં, ટીશર્ટ ઉપર સેવ ગર્લ ચાઇલ્ડનો મેસેજ લખવો, અને તે જ ટીશર્ટને ફોલ્ડ કરવાની પ્રક્રિયા કરવી એમ ચાર રેકોર્ડ બનાવવામાં આવ્યાવલસાડ ખાતે એક જ સ્થાને કરવામાં આવેલ આ રેકોર્ડ ખરેખર ખાસ છે કારણ કે એક જ જગ્યાએ એક સાથે આટલા રેકોર્ડ તોડવા તે પણ એક રેકોર્ડ છે. અહીં રેકોર્ડ માટે આવેલા પ્રાધ્યાપકોમાં પણ ખુશીનો માહોલ છે. ત્યારે વિદ્યાર્થીઓ પણ અતિ ઉત્સાહી જણાતા હતા. અને જ્યારે બેટી બચાવો અભિયાન જ્યારે પ્રધાનમંત્રી દ્વારા શરૂ કરવામાં આવ્યું છે ત્યારે પોતે સ્ત્રી હોવાની સાથે સ્ત્રી જન્મમાં થતાં અન્યાય સામે આ એક સારૂ પગલું હોવાનું જણાવ્યું હતું. સ્ત્રી સશક્તિકરણ ખરેખર સારી બાબત હોવાનું વિદ્યાર્થીની દ્વારા જણાવવામાં આવ્યું છેગીનીશ બુક ઓફ વર્લ્ડ રેકોર્ડ માટે કોલેજ દ્વારા એટેમ્પ્ટ કરવામાં આવ્યો છે ત્યારે ખરેખર સમાજને જે મેસેજ કોલેજ દ્વારા આપવામાં આવ્યો છે તે મેસેજ ખરેખર સમાજમાં જાય અને આગામી દિવસોમાં બેટી બચાવો અભિયાન સાર્થક થાય તે સમયની માંગ છે.