વલસાડ પાલિકા પ્રમુખે જીલ્લા સમાહર્તાના આદેશને પડકારી અજ્ઞાનતાનું પ્રદર્શન કરતા હોબાળો.

 વલસાડ નગર પાલિકાના પ્રમુખ સોનલ બેન સોલંકીએ જીલ્લા સમાહર્તાના આદેશ સામે ઉપરની કોર્ટમાં અપીલમાં જવાને બદલે જીલ્લા મેજીસ્ટ્રેટ સામે જ આંદોલનની ચીમકી આપી અજ્ઞાનતાનું પ્રદર્શન કરતા સબંધીતોમાં આ મુદે ભારે ગણગણાટ શરૂ થયો  છે.
વલસાડના કલ્યાણ બાગ તથા નીરા કેન્દ્રની સામે આવેલા ફુવારા સાથેના સર્કલ ટ્રાફિકને અડચણરૂપ હોય અને અકસ્માતોનો ભય રેહતો હોય આ સર્કલ નાનું કરવા માટે આરટીઆઈ કાર્યકર્તા કેતન શાહ દ્વારા રજૂઆત કરી હતી. જે સંદર્ભે પ્રાંત અધિકારીશ્રી દ્વારા સમયાંતરે  સુનાવણીઓ પણ કરવામાં આવી હતી. ઉપરાંત તા. ૨૦-૭-૨૦૧૫ના રોજ તત્કાલીન ચીફ ઓફિસરશ્રી દ્વારા મુખ્યમંત્રીના ફરિયાદ નિવારણ કાર્યક્રમમાં સુનાવણી દરમ્યાન આ બાબતે પોલીસ ખાતાનો અભિપ્રાય મેળવી નવેસરથી ડીઝાઇન બનાવીને નવું સર્કલ બનાવવા માટે ખાત્રી આપી હતી. છતાં આજે ૧૬ માસ બાદ પણ પાલિકા દ્વારા આ બાબતે કોઈ કાર્યવાહી કરવામાં ન આવી હતી.. જેથી ફરી આ બાબતે આરટીઆઈ કાર્યકર્તા કેતન શાહે જાહેરહિતની અરજી કરી હતી. આ સંદર્ભે પ્રાંત અધિકારીશ્રી ક્ષીપા એસ. અગ્રેએ ગત તા. ૧૨મી સમ્ટેમ્બરના રોજ ચીફ ઓફિસરશ્રી ને દિન-૭ માં ચાર રસ્તાની વચ્ચે આવેલ ફુવારાથી ટ્રાફિક સમસ્યાને થતું જાહેર ન્યુસન્સ દૂર કરવા વલસાડ ફોજદારી કાર્યરીતી અધિનિયમ-૧૯૭૩ ની કલમ-૧૩૩ મુજબ મને મળેલ અધિકારીએ રૂએ હુકમ કર્યો હતો. આ બાબતે જો પક્ષકારને કઈ વાંધો હોય તો રજૂ કરવા પણ જણાવ્યું હતું. પરંતુ આ બાબતે જે તે સમયે કોઈ વાંધો આવ્યો ન હતો. અને તેના આધારે એમએજ્યુ/ન્યુસન્સ  કેસ નં.૭/૨૦૧૬ થી કેસ ચલાવી ગત તા.૨-૧૧-૨૦૧૬ ના રોજ કલ્યાણ બાગ સામે આવેલ આ સર્કલ દૂર કરવાનો આદેશ કર્યો હતો.
નાયબ કલેકટરશ્રી અને પ્રાંત અધિકારીએ આ સર્કલ દૂર કરવાના આદેશ/હૂકમથી જાણે આભ ફાટ્યું હોય તેમ પ્રમુખ સોનલ સોલંકીએ આ હુકમ સામે પોતાની સ્પષ્ટ નારાજગી દર્શાવી આ હુકમની સામે અપીલ કરવાને બદલે આંદોલન કરવાની ચીપકી આપતા વિવાદ ઉભો થયો છે.