માહિતી બ્યુરોઃ વલસાડઃ તા.૩૦: રાજ્યના આરોગ્ય અને પરિવાર કલ્યાણ વિભાગના સંસદીય સચિવશ્રી પૂર્ણેશ મોદીએ આજે વલસાડની સિવિલ હોસ્પિટલની મુલાકાત લીધી હતી. આ અવસરે સંસદીય સચિવશ્રી પૂર્ણેશ મોદીએ સિવિલ હોસ્પિટલના કેસ નોંધણી વિભાગ, ઓપીડી, ઓપરેશન થિયેટર, એક્ષ-રે વિભાગ, ઇ.એન.ટી., કાર્ડિયાક વિભાગ, સીટી સ્કેન, ડીસ્પેન્સરી જેવા અનેક વિભાગોની મુલાકાત લઇ દર્દીઓ પાસેથી હોસ્પિટલમાં મળતી સારવાર અંગેની જાત માહિતી મેળવી હતી. સંસદીય સચિવશ્રીએ હોસ્પિટલમાં આવેલા દરેક દર્દીઓને પરિવારના સભ્ય તરીકે સંવેદનાસહ સારી સારવાર આપવી એ જ આપણો ઉદ્દશ હોવો જોઇએ તેમ જણાવી મા અમૃતમ,મા વાત્સલ્ય જેવી અનેકવિધ યોજનાનો વધુને વધુ લાભાથીઓ લાભ લે તે અંગે લોકોને જાગૃત કરવા જણાવ્યું હતું. સંસદીય સચિવશ્રીએ મેડીકલ કૉલેજ કેમ્પસની મુલાકાત પણ લીધી હતી. આ અવસરે ડૉકટરો અને અધિકારીઓ સાથે બેઠક યોજી હોસ્પિટલને લગતા વિવિધ પ્રશ્નોની ચર્ચા -વિચારણા કરી હતી અને હોસ્પિટલ ખાતેની આધુનિક સેવાનો લાભ મહત્તમ લોકોને મળે તે માટે ખાસ ભાર મૂકયો હતો. આ પ્રસંગે ધારાસભ્યશ્રી ભરતભાઇ પટેલ, સિવિલ હોસ્પિટલના સિવિલ સર્જનશ્રી આર.એમ.જીત્યા, કૉલેજ કેમ્પસના ડીન શ્રી જી.આર.પટેલ, આર.એમ.ઓ. શ્રી પી.ડી.ચૌધરી, મુખ્ય જિલ્લા આરોગ્ય અધિકારીશ્રી સંઘવી સહિત ડોક્ટરો, ટેકનીશીયનો અને હોસ્પિટલનો મેડીકલ સ્ટાફ હાજર રહ્યા હતા.
Dipal
Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.