વલસાડ જિલ્લામાં મહેસુલી કેસોના અરજદારો માટે આશીર્વાદ રૂપી બનેલ “અંબર” પ્રોજેકટ ને મળ્યો એવોર્ડ

વલસાડ જિલ્લામાં રેવન્યુ વિભાગમાં જમીનની તકરારના અનેક કેસો ચાલી રહ્યા છે. આ કેસોમાં સુનાવણી માટે ફરિયાદીઓ અને સામેવાળાનો બંનેના કેસની સુનાવણીની તારીખ બાબતે આગોતરી જાણકારી આપવા માટે ૨૭ ઓક્ટોબર 2016ના રોજ વલસાડ જિલ્લા કલેકટર રહી ચૂકેલા રેમ્યા મોહનના નેતૃત્વમાં મુખ્યમંત્રી વિજય રૂપાણીના વરદ હસ્તે ઓટોમેટીક મોબાઈલ બેઝ રિપોર્ટિંગ સિસ્ટમ શરૂ કરવામાં આવી હતી આ સિસ્ટમ શરૂ થતા કલેકટર કચેરીમાં ચાલી રહેલા વિવિધ કેસોનું સ્ટેટમેન્ટ અરજદારોને મોબાઈલ પર એસએમએસ દ્વારા આપવામાં આવતું આવી ઉત્તમ સેવા શરૂ કરવા બદલ તે સમયના રહી ચૂકેલા કલેકટરને હાલમાં જ દિલ્હી ખાતે યોજાયેલી કિગા સુમિટ 2018 માં સેકન્ડ એડિશન ઓફ કલામ ઇનોવેશન ઇન ગવર્નન્સ એવોર્ડ એનાયત કરવામાં આવ્યો હતો જે મેળવ્યા બાદ રેમ્યા મોહને જણાવ્યું કે આ એવોર્ડ ના મુખ્ય હકદાર વલસાડ જિલ્લા રેવન્યુ વિભાગના તમામ કર્મચારીઓ છે તેઓના સાથ-સહકાર વિના આ સેવા શરૂ કરવી એ ખૂબ કઠિન છે જેથી આ એવોર્ડ તેમની કામગીરીને કારણે જ મળી શક્યો છે