વલસાડમાં બ્રેઇન નિન્જા ક્વિઝ કોમ્પિટિશન દ્વારા ગિનિસ બુકમાં નોંધાવી દાવેદારી, જૂઓ વીડિયો

[slideshow_deploy id=’26872′]વલસાડ ખાતે આંવાબાઇ શાળાના ૧૫૦૦ જેટલા વિદ્યાર્થીઓ સહીત ગુજરાત-મહારાષ્ટ્રના વિવિધ સ્થળેથી એક સાથે ૧૫૦૦૦ વિદ્યાર્થીઓએ “બ્રેઇન નિન્જા ક્વિઝ” કોમ્પિટિશનમાં ભાગ લઇ ગિનિસ બુક ઓફ વર્લ્ડ રેકોર્ડમાં દાવેદારી નોંધાવી હતી.
વલસાડની આવાબાઇ શાળાના ગ્રાઉન્ડમાં આજે વલસાડનું નામ રોશન કરતો કાર્યક્રમ યોજાયો હતો. રોટરી ડીસ્ટ્રીકટ ૩૦૬૦ અને આંવાબાઇ શાળાના સંયુક્ત ઉપક્રમે યોજાયેલા કાર્યક્રમ અંગે રોટરેક્ટના સંજીવ દેસાઇએ વિગતો આપી હતી કે આ સમગ્ર કાર્યક્રમ થકી વલસાડનું નામ વર્લ્ડ બુકમાં સામેલ થશે જે ગૌરવની વાત છે. ગિનિસ બુક ઓફ વર્લ્ડ રેકોર્ડમા આ પ્રકારની આટલી મોટી ક્વિઝ ઇવેન્ટ હજુ સુધી થઇ નથી આ ક્વિઝમાં ગુજરાત-મહારાષ્ટ્રની ૯૨  શાળાના ૧૫૦૦૦ હજાર વિદ્યાર્થીઓએ ભાગ લીધો છે. જેમાં વલસાડની આંવાબાઇ સ્કૂલના ૧૫૦૦ વિદ્યાર્થીઓએ રજીસ્ટ્રેશન. કરાવ્યું છે. અને અંદાજીત ૧૪૯૦  વિદ્યાર્થીઓ આ ક્વિઝ કોન્ટેસ્ટમાં ઉપસ્થિત રહ્યા છે.  બ્રેઇન નિન્જા થિઅરી પર આ ક્વિઝમાં ૪૦ પ્રશ્નો છે. જે OMR પદ્ધતિ થી પ્રશ્ન પેપરમાં રજૂ કર્યા છે. આ માટે એક કલાકનો સમય નક્કી કર્યો છે. જેમાં તમામ પ્રશ્નો જનરલ કેટેગરીના છે. અને ધોરણ ૮ થી ધોરણ ૧૨ના વિદ્યાર્થીઓ માટે છે. અલગ અલગ સ્થળો પર યોજાયેલા આ કાર્યક્રમમાં ગિનિસ રેકોર્ડની ખાસ ટીમ ઉપસ્થિત રહી છે અને ડ્રોન કેમેરા દ્વારા વર્લ્ડ રેકોર્ડની તમામ ગતીવિધીઓ પર નજર રખાઇ હતી.
ક્વિઝ કોમ્પિટિશનમાં ભાગ લેનારા બાળકો સવારના ૮ વાગ્યાથી શાળાના મેદાનમાં હાજર થયા હતા. જેમને રોટરી ક્લબ વલસાડના મેમ્બરો દ્વારા સ્પર્ધા અંગે સંપૂર્ણ જાણકારી આપ્યા બાદ ૧૦ થી ૧૧ વાગ્યાના એક કલાકમાં સ્પર્ધા આટોપી હતી જે માટે તમામ બાળકોએ પણ ઉત્સાહભેર ભાગ લીધો હતો. તમામે શિયાળાના કુમળા તડકામાં બેસી ઉત્સાહભેર તમામ સવાલોના જવાબો લખી પ્રશ્ન પેપર સબમીટ કર્યા હતા. અને આગામી દિવસોમાં તે અંગે ગિનિસ બુક ઓફ વર્લ્ડ રેકોર્ડની કમિટી નિર્ણય કરી તે અંગે પ્રસિદ્ધિ બહાર પાડશે

https://youtu.be/E7gP5iK8eMI