ચાલુ વર્ષે કમોસમી વરસાદ ને પગલે ખેડૂતો ને ભારે નુકસાન થયું હતું. વલસાડ જિલ્લામાં નવેમ્બર માસ દરમિયાન કમોસમી વરસાદે ખરીફ પાક લેતા ખેડૂતોને ભારે નુકસાન થતાં સરકારે સરવે કરાવી ઓનલાઇન અરજી કરવા તાકીદ કરી હતી.આ ઓનલાઇન અરજીની છેલ્લી મુદ્દત 31 ડિસેમ્બર સુધી નક્કી કરવામાં આવી છે. ચાલૂ વર્ષે ચોમાસામાં વરસાદની સિઝન લંબાઇને 10 નવેમ્બર સુધી ચાલી હતી.ત્યારબાદ પણ કમોસમી વરસાદ થતાં ડાંગરના પાકને વ્યાપક અસર પહોંચી હતી.ડાંગરના પૂળાં ખુલ્લી જગ્યામાં તડકામાં મૂકી દેવામાં આવ્યા હતા.દરમિયાન હવામાનમાં ભારે ફેરફાર થતાં 15 નવેમ્બર પછી કમોસમી વરસાદે ખેડૂતોની ઉંઘ હરામ કરી દીધી હતી.ધરમપુર, કપરાડા,પારડી,વાપી,વલસાડ અને ઉમરગામ તાલુકામાં કમોસમી વરસાદે ડાંગરના ખેતરોમાં પાણી ભરાતા પાક લચી પડ્યો હતો.જેના કારણે પાક બગડી જતાં મોટું આર્થિક નુકસાન થતાં રાજ્ય સરકારે સરવે કરાવી ખેડૂતોને વળતર આપવાની જાહેરાત કરી ઓનલાઇન અરજીઓ મગાવી હતી જે ભરી દેવા માટે જણાવાયું છે.
Satya Day News
Satya Media Group was founded on 25th January 2005 with a vision to be a pioneer in Gujarati Media Fraternity to cater to news which are original and authentic along with the fearless voice of Gujarati People. We are an unbiased and most acclaimed media house. Satya Day has been Leading Gujarati News Portal since 2005.