સમગ્ર વલસાડ જિલ્લામાં આજે અનેક સ્થળો ઉપર તસ્કરોએ તરખાટ મચાવ્યો, જૂઓ વીડિયો

વલસાડ જિલ્લામાં આજે અનેક સ્થળો ઉપર ચોર ચોરી કરીને તરખાટ મચાવી દીધો છે એટલી હદે તેઓ ઉતરી ગયા કે ભગવાનને પણ તેમણે બાકી નથી રાખ્યા વલસાડ જિલ્લાના સરોધી ગામે આવેલા શ્રી ભીમાશંકર મહાદેવ મંદિરમાં તેમજ કુવારીકા માતા મંદિર માં મૂકવામાં આવેલી દાનપેટીને તેઓ મંદિરમાંથી ચોરી કરી લઇ ગયા હતા જે બાદ તેમાંથી દાનમાં આવેલા પૈસા કાઢી લઇ દાનપેટીને રોડની બાજુમાં આવેલા ખુલ્લા ખેતરમાં ફેંકીને જતા રહ્યા હતા સમગ્ર ઘટનાની જાણ વહેલી સવારે જ્યારે પૂજારી મંદિરમાં પૂજા કરવા માટે આવ્યા ત્યારે થતા ચકચાર મચી હતી ગ્રામજનોએ ભેગા મળીને સમગ્ર બાબતે વલસાડ રૂરલ પોલીસને ઘટના અંગેની જાણકારી આપી છે હાલ તો પોલીસે સ્થળ વિઝિટ કરી સમગ્ર બાબતની તપાસ શરૂ કરી હોવાનું જાણવા મળી રહ્યું છે નોંધનીય છે કે અગાઉ ચોરો કેટલાક સભ્ય સમાજના લોકોને પોતાની ચોરીનો નિશાન બનાવતા હતા પરંતુ હવે તેઓએ હદ સુધી ઉતરી ગયા છે કે ભગવાનના મંદિરને પણ બાકી રાખતા નથી તેનો જીવતો જાગતો પુરાવો છે ભગવાનના મંદિરમાં થયેલી ચોરી બાબતે ગ્રામજનોમાં ચકચાર મચાવી છે તો ચોરી કરનારાઓ સામે ગ્રામજનોએ ફિટકારની લાગણી પણ જોવા મળી રહી હતી
તો અે સાથે જ વલસાડ જિલ્લાના પારડી ખાતે કુમાર શાળાની પાછળના ભાગમાં આવેલા સાઈ શાંગ્રીલા એપાર્ટમેન્ટમાં આજે વહેલી પરોઢિયે ચાર વાગ્યે ત્રણ જેટલા ઈસમો હાથમાં તિક્ષ્ણ હથિયાર છરી લઈને એપાર્ટમેન્ટમાં ચોરીના ઇરાદે પ્રવેશ્યા હતા તેઓના દ્વારા વિવિધ સ્લેટના દરવાજાના નકૂચાઓ તોડવાની કોશિશ કરવામાં આવી હતી.જોકે આ કોશિશ દરમિયાન 4:00 એપાર્ટમેન્ટના એક ફલેટમાં રહીશ અવાજ આવતા ઉઠી જતા અચાનક દરવાજો ખોલી કાઢતા ત્રણ જેટલા ચોર ઈસમો ત્યાંથી રફુચક્કર થઇ ગયા હતા અને ચોરીનો પ્રયાસ નિષ્ફળ રહ્યો હતો જોકે આ સમગ્ર ઘટના બાદ ત્રણ જેટલા ચાર ઈસમો એપાર્ટમેન્ટમાં રાખવામાં આવેલા સીસીટીવી ફૂટેજમાં સ્પષ્ટપણે કેદ થઈ ગયા હતા અને તેઓ ચોરીના ઇરાદે હાથમાં તીક્ષ્ણ હથિયાર લઇને આવેલા હોવાનું સીસીટીવી ફૂટેજમાં સ્પષ્ટપણે દેખાઈ રહ્યું હતું અચાનક બનેલી આ ઘટનાને પગલે સવારે એપાર્ટમેન્ટના રહીશો જાગી ગયા હતા અને સમગ્ર બાબતે પોલીસને જાણકારી આપી સીસીટીવી ફૂટેજ પણ પારડી પોલીસને રજૂ કર્યા હતા સમગ્ર મામલે પોલીસે હાલ તો સીસીટીવી ફૂટેજ ના આધારે તપાસ શરૂ કરી હોવાનું જાણવા મળી રહ્યું છે