આવતીકાલે ગુજરાતના આ વિસ્તારોમાં રહેશે ભારે વરસાદનું જોખમ: ઓરેન્જ એલર્ટ જારી.
રાજ્યમાં ફરી એકવાર મેઘરાજા મહેર વરસાવવા માટે તૈયાર છે. હવામાન વિભાગ દ્વારા ૮ સપ્ટેમ્બરના રોજ રાજ્યના કેટલાક વિસ્તારોમાં ભારેથી અતિભારે વરસાદની આગાહી કરવામાં આવી છે, જેને પગલે ચાર જિલ્લાઓમાં રેડ એલર્ટ જાહેર કરવામાં આવ્યું છે. આ આગાહીને પગલે તંત્ર દ્વારા લોકોને સાવચેત રહેવા અને જરૂરી પગલાં લેવા માટે સૂચનાઓ આપવામાં આવી છે.
લૉ પ્રેશર સિસ્ટમ ગુજરાત તરફ ખસી આવી છે જેના કારણે પાટણ, બનાસકાંઠા, મહેસાણા, સાબરકાંઠા, ગાંધીનગર જેવા જિલ્લામાં ભારે વરસાદની શક્યતા છે. મધ્ય ગુજરાતમાં અમદાવાદ, ખેડા, પંચમહાલ, દાહોદ અને અરવલ્લી સહિતના જિલ્લાઓમાં પણ વરસાદ ઝમાવશે.
આ 4 જિલ્લાઓમાં રેડ એલર્ટ
હવામાન વિભાગના સૂત્રો અનુસાર, રાજ્યના જૂનાગઢ, ગીર સોમનાથ, અમરેલી અને ભાવનગર જિલ્લાઓમાં આવતીકાલે અતિભારે વરસાદની સંભાવના છે. આ જિલ્લાઓમાં રેડ એલર્ટ જાહેર કરવામાં આવ્યું છે, જે સૂચવે છે કે આ વિસ્તારોમાં ભારે નુકસાન થઈ શકે છે. લોકોને નદીઓ અને નીચાણવાળા વિસ્તારોથી દૂર રહેવા અને સુરક્ષિત સ્થળોએ આશ્રય લેવા વિનંતી કરવામાં આવી છે
હવામાન વિભાગે અમદાવાદ માટે ઓરેન્જ એલર્ટ જાહેર કર્યું છે.
શહેરના વિવિધ વિસ્તારોમાં બપોરના સમયે ધોધમાર વરસાદ પડતા દ્રશ્યતા શૂન્ય થઇ ગઈ હતી. બોડકદેવ, વસ્ત્રાપુર, થલતેજ, પાલડી, શ્યામલ, બોપલ, ઘૂમા, શેલામાં ભારે વરસાદના કારણે વાહન વ્યવહાર પણ પ્રભાવિત થયો છે. કેટલાક વિસ્તારોમાં પાણી ભરાવાની સ્થિતિ સર્જાઈ છે.
સૌરાષ્ટ્રના મોરબી, રાજકોટ, સુરેન્દ્રનગર, જામનગર, દેવભૂમિ દ્વારકા, પોરબંદર અને જૂનાગઢમાં પણ આગલા 48 કલાકમાં ભારે વરસાદ પડવાની શક્યતા છે. કચ્છમાં પણ સિસ્ટમની અસરથી વરસાદનું જોર વધી શકે છે.
આગામી દિવસોમાં વરસાદનું પ્રમાણ ઘટશે
આ સિસ્ટમને કારણે દક્ષિણ ગુજરાત અને સૌરાષ્ટ્રના કેટલાક વિસ્તારોમાં 45 કિલોમીટર પ્રતિ કલાકની ઝડપે ભારે પવન ફૂંકાઈ શકે છે. વરસાદની સાથે ગાજવીજ અને ભારે પવનની પણ શક્યતા છે. અમદાવાદમાં બપોરના સમયે ધોધમાર વરસાદ શરૂ થયો છે, જેના કારણે બોડકદેવ, વસ્ત્રાપુર, પાલડી, પ્રહલાદનગર, શ્યામલ, ઈસ્કોન, એસજી હાઈવે, થલતેજ, બોપલ, ઘૂમા, શેલા જેવા વિસ્તારોમાં પાણી ભરાવાની સમસ્યા સર્જાઈ છે. ઓછી વિઝિબિલિટીના કારણે વાહનચાલકોને પણ હાલાકી પડી રહી છે.
આ અતિભારે વરસાદને કારણે નદીઓ અને ડેમોમાં પાણીની અસાધારણ વૃદ્ધિ થઈ શકે છે. નીચાણવાળા વિસ્તારોમાં પાણી ભરાવાની અને રસ્તાઓ બંધ થવાની પણ શક્યતા છે. આ સ્થિતિને પહોંચી વળવા માટે રાજ્યના આપત્તિ વ્યવસ્થાપન તંત્રને પણ એલર્ટ પર રાખવામાં આવ્યું છે. લોકોને કોઈપણ અફવાઓથી દૂર રહેવા અને સત્તાવાર સૂચનાઓનું પાલન કરવા અપીલ કરવામાં આવી છે.
