Foreign students tried panipuri video: વિદેશીઓએ પાણીપુરી ખાધા પછી આપ્યા એવા રિએક્શન કે ભારતીયો ખુશીથી ઝૂમી ઉઠ્યા
Foreign students tried panipuri video: વિશ્વભરમાં અનેક દેશોના વિવિધ પૌષ્ટિક ભોજન મળતા હોય છે, પણ ભારતીય ભોજન જેવી વિવિધતા અને મસાલેદાર સ્વાદ ઘણાં ઓછા દેશો ધરાવે છે. દરેક રાજ્ય, શહેર અને પ્રાંતની પોતાની ખાસ વાનગીઓ છે, જેના અનોખા સ્વાદને વિદેશીઓ પણ હવે ઓળખી રહ્યાં છે. એવો જ એક નઝારો તાજેતરમાં વિદેશની યુનિવર્સિટીમાં આયોજિત આંતરરાષ્ટ્રીય દિવસ દરમિયાન જોવા મળ્યો.
આ કાર્યક્રમમાં વિવિધ દેશોએ પોતાના સંસ્કૃતિ અને ભોજન રજૂ કર્યા, પરંતુ આખો મેળો ભરી ગયો જ્યારે ભારતીય સ્ટોલે પોતાની મોજમસ્તી શરૂ કરી! ખાસ કરીને પાણીપુરી જેવી વાનગી માટે લોકો લાઈનમાં ઊભા રહીને તેના સ્વાદનો આનંદ લેતા જોવા મળ્યા.
પહેલી વાર અને પ્રેમ
વીડિયોમાં ઘણા વિદેશી વિદ્યાર્થીઓને પ્રથમવાર આ અનોખી વાનગીનો સ્વાદ લેતા બતાવવામાં આવ્યા છે. કોઈને મીઠાશ ગમી, તો કોઈ મસાલાની તીવ્રતાથી ચોંકી ગયા. ઘણી યુવતીઓ તો ખાધા પછી ખુશીથી આંખો પહોળી કરીને હસી પડતી જોવા મળી. આવા પ્રયોગો જોઈને ખ્યાલ આવે છે કે ભોજન માત્ર સ્વાદ નહીં, પરંતુ સંસ્કૃતિનો ભાગ પણ છે.
View this post on Instagram
પાણીનું ઇન્જેક્શન? હા, સાચું છે!
વિશેષતા એ હતી કે પાણીપુરીમાં પાણી ઇન્જેક્શનથી ભરીને પીરસવામાં આવી રહ્યું હતું, જેનો અંદાજ લોકો માટે નવાઇભર્યો અનુભવ હતો.
વીડિયોને કરોડોમાં વ્યુઝ
તુષાર કુમાર જૈને આ સુંદર ક્ષણોને ઇન્સ્ટાગ્રામ પર તેમના પેજ quills.and.tails પરથી શેર કર્યા હતા. આ વીડિયો હવે લગભગ 52 લાખથી વધુ લોકો જોઈ ચૂક્યા છે. લોકોએ રોમાંચક પ્રતિસાદ આપ્યા છે. એક યુઝરે લખ્યું કે, “પાણી એ જ જીવન છે, પણ પાણીપુરી એ તો જીવવાનું કારણ છે!”
પાણીપુરી હવે માત્ર નાસ્તો નથી રહ્યો, તે એક અનુભવ બની ગયો છે — જેની મજા કોઈ પણ દેશના નાગરિક માણી શકે છે, બસ હિંમત હોવી જોઈએ પહેલાની પુરી ફૂટ્યા વગર ખાવાની!
