Justin Bieber Baby Song: જસ્ટિન બીબરના ગીતને મળી સૂફી ટચ, પાકિસ્તાની કવ્વાલીએ વિડીયો વાયરલ કર્યો!
Justin Bieber Baby Song: કેનેડિયન ગાયક જસ્ટિન બીબરના ગીતોની દુનિયા દીવાની છે. ખાસ કરીને તેના ‘બેબી’ ગીતે તો સફળતાના તમામ રેકોર્ડ તોડી નાખ્યા છે. આજે પણ આ ગીત લોકોના દિલમાં વસેલું છે, પરંતુ પાકિસ્તાનના લાહોરમાં આ ગીતનું એક અનોખું વર્ઝન રજૂ થયું. લાહોરની યુનિવર્સિટીમાં આયોજિત એક કવ્વાલી પરફોર્મન્સ દરમિયાન જસ્ટિન બીબરના આ પ્રખ્યાત ગીતને સૂફી સ્ટાઈલમાં પેશ કરવામાં આવ્યું.
સૂફી સ્ટાઈલમાં ‘બેબી’નું કવ્વાલી મિશ્રણ
વિડિયોમાં જોઈ શકાય છે કે ગાયકોએ કવ્વાલી અને સૂફી સૂર સાથે ‘બેબી’ ગીતને અનોખી ઓળખ આપી. આ પ્રયોગ કેટલાક લોકોને ગમ્યો તો કેટલાક માટે નિરાશાજનક રહ્યો. આ વીડિયોને ઇન્સ્ટાગ્રામ પર ઘણો શેર કરવામાં આવ્યો છે અને આ સમયે તે ખૂબ જ વાયરલ છે. વિડિયોએ સૂફી અને પશ્ચિમી પોપ સંગીત પ્રેમીઓ વચ્ચે ચર્ચાનો મુદ્દો ઊભો કર્યો છે.
હાર્મોનિયમ અને તબલા સાથે જસ્ટિન બીબર
પરફોર્મન્સ દરમિયાન ગાયકોએ પરંપરાગત સંગીત સાધનો જેમ કે હાર્મોનિયમ અને તબલા સાથે ગીત રજૂ કર્યું, જેને સાંભળીને ઘણા લોકો ખુશીથી ઝૂમી ઉઠ્યા. આ ખાસ કવ્વાલી વીડિયો ઇન્સ્ટાગ્રામ હેન્ડલ khattti.meethi.baateinn પર અપલોડ થયો છે, જે અત્યાર સુધીમાં 1 લાખથી વધુ વ્યૂઝ મેળવી ચૂક્યો છે.
View this post on Instagram
યૂઝર્સની મિશ્ર પ્રતિક્રિયાઓ
જ્યાં કેટલીક કોમેન્ટ્સમાં આ પ્રયોગને પ્રોત્સાહન મળ્યું છે, ત્યાં કેટલીક મજાકભરી ટિપ્પણીઓ પણ કરવામાં આવી છે. એક યુઝરે લખ્યું કે, “આ એક રસપ્રદ પ્રયત્ન છે.” જ્યારે બીજાએ મજાકમાં લખ્યું કે, “બિબર ખૂણામાં ઉભો રહીને રડતો હશે.”
તમને આ કવ્વાલી-પોપ ફ્યુઝન કઈ રીતે લાગ્યું? તમારી પ્રતિક્રિયા આપો. જાણકારી માટે જણાવી દઈએ કે જસ્ટિન બીબરનું ‘બેબી’ ગીત 2010માં રિલીઝ થયું હતું અને તે સમયે આ ગીત બમ્પર હિટ સાબિત થયું હતું. આજે પણ આ ગીતની એક અલગ ફેન ફોલોઈંગ છે.
