Police Station Leopard Viral Video: દીપડાનો પોલીસ સ્ટેશનમાં પ્રવેશ, નીલગિરીની ચોંકાવનારી ઘટના CCTVમાં કેદ
Police Station Leopard Viral Video: નીલગિરી જિલ્લાના નાદુવત્તમ પોલીસ સ્ટેશનમાં એક આશ્ચર્યજનક ઘટના બની છે, જ્યાં એક દીપડો અચાનક અંદર ઘૂસી આવ્યો હતો. આ સમગ્ર ઘટના પોલીસ સ્ટેશનમાં લાગેલા CCTV કેમેરામાં કેદ થઈ ગઈ છે, જે હાલમાં સોશિયલ મીડિયામાં ભારે વાયરલ થઈ રહી છે. વીડિયોમાં જોઈ શકાય છે કે દીપડો પોલીસ સ્ટેશનની અંદર ચક્કર મારી રહ્યો છે.
સ્થાનિક લોકોના જણાવ્યા અનુસાર, દીપડો નજીકના જંગલમાંથી ભટકીને સ્ટેશન સુધી આવી પહોંચ્યો હતો. ઘટનાના સમયે સ્ટેશનમાં હાજર અધિકારીઓએ સંયમથી કામ લીધું અને તરત જ વન વિભાગને જાણ કરી. વન વિભાગની ટીમ તાત્કાલિક ઘટના સ્થળે પહોંચી હતી અને દીપડાને પકડવાની પ્રક્રિયા આરંભી હતી.
વન વિભાગના જણાવ્યા મુજબ, છેલ્લા કેટલાક વર્ષોમાં નીલગિરી જિલ્લામાં માનવ વસાહતોમાં વન્ય પ્રાણીઓના પ્રવેશની ઘટનાઓમાં નોંધપાત્ર વધારો થયો છે. ખાસ કરીને ખોરાક અને પાણીની અછતના કારણે વન્યજીવો મનુષ્યોના વિસ્તાર તરફ આવતા હોવાનું નિષ્ણાતો માને છે. આવા બનાવોને ધ્યાનમાં રાખીને વહીવટી તંત્રએ સ્થાનિકોને જાગૃત રહેવા અને કોઇ જંગલી પ્રાણી દેખાય તો તરત વન વિભાગને જાણ કરવાની અપીલ કરી છે.
A Leopard decided to inspect the Naduvattam Police Station in Nilgiris. Hats off to the police person on duty who calmly closed the door and called forest officials. No one was hurt. Leopard went back safely to the forest #wildlife #TNForest pic.twitter.com/WEtXgW36kI
— Supriya Sahu IAS (@supriyasahuias) April 29, 2025
આ સમગ્ર ઘટનાનો વીડિયો IAS અધિકારી સુપ્રિયા સાહુએ માઇક્રોબ્લોગિંગ પ્લેટફોર્મ X પર શેર કર્યો હતો. તેમણે લખ્યું કે દીપડો નાદુવત્તમ પોલીસ સ્ટેશનમાં ‘તપાસ’ કરવા માટે આવ્યો હતો. ફરજ પરના પોલીસ કર્મચારીઓએ શાંતિ જાળવીને દરવાજો બંધ કર્યો અને વન વિભાગને જાણ કરી, જે પ્રશંસનીય છે. નસીબ જોઈને કોઈપણ પ્રકારની ઇજા થવાની ઘટના થઈ નહોતી અને દીપડો સુરક્ષિત રીતે જંગલમાં પાછો મોકલવામાં આવ્યો હતો.
માત્ર 47 સેકન્ડના આ વીડિયોને અત્યાર સુધીમાં 1.29 લાખથી વધુ લોકો જોઈ ચૂક્યા છે, અને લોકો પોલીસની સતર્કતા અને વન વિભાગની ઝડપી કાર્યવાહીના વખાણ કરી રહ્યા છે.
આ પ્રકારની ઘટનાઓ વન્યજીવ સંરક્ષણ અને માનવ સુરક્ષાને લઈને ગંભીર ચર્ચાનો વિષય બની રહી છે.
