સચિન તેંડુલકરના એલીટ ક્લબમાં વિરાટ કોહલીની ભવ્ય એન્ટ્રી ક્રિકેટમાં ૧૬,૦૦૦ રન પૂરા કરી રચ્યો નવો ઇતિહાસ

વિજય હજારે ટ્રોફીમાં વાપસી પર વિરાટ કોહલીએ ઇતિહાસ રચ્યો, સચિન તેંડુલકરના એલીટ ક્લબમાં પ્રવેશ કર્યો

ભારતીય ક્રિકેટના સુપરસ્ટાર વિરાટ કોહલીએ ફરી એક વખત પોતાના નામે એક ઐતિહાસિક સિદ્ધિ નોંધાવી છે. લાંબા સમય પછી વિજય હજારે ટ્રોફીમાં વાપસી કરતાં કોહલીએ 2025-26 સીઝનમાં દિલ્હી માટે આંધ્રપ્રદેશ સામે રમાયેલી મેચમાં લિસ્ટ A ક્રિકેટમાં 16,000 રન પૂર્ણ કરીને ઇતિહાસ રચ્યો.વિજય હજારે ટ્રોફીમાં વિરાટ કોહલીની વાપસીની જાહેરાત થયા બાદથી જ ચાહકોમાં ભારે ઉત્સાહ જોવા મળતો હતો. ઘરેલુ ક્રિકેટમાં પોતાના મનપસંદ ખેલાડીને ફરી રમતા જોવા માટે ચાહકો આતુર હતા અને વિરાટ કોહલીએ પોતાની પહેલી જ મેચમાં તેમને નિરાશ કર્યા નહીં.

ખાતું ખોલતાની સાથે જ ઐતિહાસિક સિદ્ધિ

લાંબા સમય બાદ વિજય હજારે ટ્રોફીમાં પોતાની પહેલી મેચ રમતાં વિરાટ કોહલીએ મેદાન પર પગ મૂકતાની સાથે જ ઇતિહાસ રચ્યો. BCCI સેન્ટર ઓફ એક્સેલન્સ ગ્રાઉન્ડ-1 પર રમાયેલી આ મેચમાં દિલ્હી ટીમે ફક્ત એક રનના સ્કોર પર પોતાની પહેલી વિકેટ ગુમાવી હતી. ત્યારબાદ વિરાટ કોહલી બેટિંગ કરવા આવ્યા.કોહલીને લિસ્ટ A ક્રિકેટમાં 16,000 રનનો આંકડો પાર કરવા માટે ફક્ત એક રનની જરૂર હતી. તેણે પોતાના પ્રથમ જ સ્કોરિંગ શોટ પર સુંદર બાઉન્ડ્રી ફટકારી અને આ સાથે જ લિસ્ટ A ક્રિકેટમાં 16,000 રન પૂર્ણ કર્યા. આ સિદ્ધિ તેની સતતતા, ફિટનેસ અને લાંબા સમયથી ચાલી આવતી શાનદાર કારકિર્દીનો પુરાવો છે.

સચિન તેંડુલકરના એક્સક્લુઝિવ ક્લબમાં વિરાટ કોહલીની ભવ્ય એન્ટ્રી

આ મહત્વપૂર્ણ સિદ્ધિ સાથે વિરાટ કોહલી લિસ્ટ A ક્રિકેટમાં 16,000 રન બનાવનાર માત્ર બીજા ભારતીય બેટ્સમેન બની ગયા છે. આ પહેલા આ સિદ્ધિ માત્ર મહાન બેટ્સમેન સચિન તેંડુલકરે હાંસલ કરી હતી. સચિન તેંડુલકરે લિસ્ટ A ક્રિકેટમાં કુલ 21,999 રન બનાવ્યા છે અને તેઓ હજુ પણ ભારતીય ખેલાડીઓમાં ટોચ પર છે.વિરાટ કોહલી હવે વિશ્વ ક્રિકેટમાં લિસ્ટ A ફોર્મેટમાં 16,000 રનનો આંકડો પાર કરનાર ફક્ત 9મો બેટ્સમેન બની ગયો છે. આ આંકડો કોહલીને ક્રિકેટ ઇતિહાસના સૌથી મહાન બેટ્સમેનની યાદીમાં વધુ મજબૂત સ્થાન અપાવે છે.

પંડ્યા બ્રધર્સ વચ્ચે ઝઘડાની વાત માત્ર અફવા? કૃણાલ પંડ્યાએ હાર્દિક સાથેના સંબંધો પર તોડ્યું મૌન

ટીમ ઈન્ડિયાને મોટો આંચકો: ઈજાના કારણે વિરાટ કોહલી અફઘાનિસ્તાન વનડે શ્રેણીમાંથી બહાર!

લિસ્ટ A ક્રિકેટમાં સૌથી વધુ રન બનાવનાર બેટ્સમેન

• ગ્રેહામ ગૂચ – 22,211
• ગ્રેમ હિક – 22,059
• સચિન તેંડુલકર – 21,999
• કુમાર સંગાકારા – 19,456
• વિવિયન રિચાર્ડ્સ – 16,995
• રિકી પોન્ટિંગ – 16,363
• ગોર્ડન ગ્રીનિજ – 16,349
• સનથ જયસૂર્યા – 16,128
• વિરાટ કોહલી – 16,003

(મેચ સમયે રન)

ઘરેલુ ક્રિકેટમાં યાદગાર વાપસી

વિજય હજારે ટ્રોફી 2025-26માં વિરાટ કોહલીની ભાગીદારીની પુષ્ટિ થયા બાદથી જ સોશિયલ મીડિયા પર ભારે ચર્ચા ચાલી રહી હતી. વર્ષો બાદ કોહલીને દિલ્હી માટે ઘરેલુ ક્રિકેટમાં રમતા જોવું ચાહકો માટે ખાસ ક્ષણ હતી. પોતાની અનુભવી બેટિંગ અને નેતૃત્વથી કોહલીએ ફરી સાબિત કર્યું કે તે માત્ર આંતરરાષ્ટ્રીય ક્રિકેટમાં જ નહીં, પરંતુ ઘરેલુ ક્રિકેટમાં પણ એક મોટી શક્તિ છે.

આંધ્રએ દિલ્હી માટે 299 રનનો પડકારજનક લક્ષ્યાંક આપ્યો

વિજય હજારે ટ્રોફી 2025-26ની આ મેચમાં દિલ્હીના કેપ્ટન ઋષભ પંતે ટોસ જીતીને પ્રથમ બોલિંગ કરવાનો નિર્ણય લીધો. પ્રથમ બેટિંગ કરવા ઉતરેલી આંધ્રપ્રદેશની ટીમે 50 ઓવરમાં 8 વિકેટ ગુમાવીને 298 રનનો મજબૂત સ્કોર ઉભો કર્યો.આંધ્ર તરફથી રિકી ભુઇએ શાનદાર બેટિંગ કરતાં 122 રનની મહત્વપૂર્ણ ઇનિંગ રમી અને ટીમને મોટા સ્કોર સુધી પહોંચવામાં મુખ્ય ભૂમિકા ભજવી.દિલ્હી તરફથી બોલિંગમાં સિમરજીત સિંહે ઉત્તમ પ્રદર્શન કરતાં પાંચ વિકેટ ઝડપી, જ્યારે પ્રિન્સ યાદવે ત્રણ વિકેટ લઈને આંધ્રને 300 રનથી ઓછા સ્કોર પર રોકવામાં મહત્વની ભૂમિકા ભજવી.

સૂર્યકુમાર યાદવના સુવર્ણ યુગનો અંત: વર્લ્ડ કપ જીતાડનાર કેપ્ટન કેમ ટીમમાંથી આઉટ થયો?

આઈપીએલ ફાઇનલમાં હાર બાદ શુભમન ગિલ ભાવુક: કહ્યું- ‘ટ્રોફીની આટલી નજીક આવીને હારવાનું મોટું દર્દ છે, નિરાશા ભારે પડી’