Monsoon in Mumbai મુંબઈમાં મોસમનો પહેલો જોરદાર વરસાદ, 100 મીમીથી વધુ વરસાદ નોંધાયો
Monsoon in Mumbai મુંબઈમાં ચોમાસાએ વેગ પકડ્યો છે. છેલ્લા કેટલાક કલાકોમાં શહેરના ઘણા વિસ્તારોમાં 100 મીમીથી વધુ વરસાદ નોંધાયો છે. ભારતીય હવામાન વિભાગ (IMD) એ ચેતવણી જારી કરીને જણાવ્યું છે કે આગામી ૨૪ કલાકમાં ઉત્તરીય ઉપનગરો, નવી મુંબઈ, થાણે અને આસપાસના વિસ્તારોમાં ભારે વરસાદ પડી શકે છે.
વરસાદને લઈને વહીવટીતંત્ર એલર્ટ પર
વરસાદને કારણે ઘણી જગ્યાએ પાણી ભરાઈ ગયા છે, જેના કારણે ટ્રાફિકની સ્થિતિ વધુ ખરાબ થઈ છે. BMC અને સ્થાનિક વહીવટીતંત્ર એલર્ટ પર છે. નાગરિકોને ખૂબ જ જરૂરી હોય ત્યારે જ ઘરની બહાર નીકળવા અને સલામત સ્થળોએ રહેવાની અપીલ કરવામાં આવી છે.
આગામી થોડા કલાકોમાં મુંબઈ સહિત આ જિલ્લાઓમાં ભારે વરસાદ
IMD એ જણાવ્યું હતું કે “મુંબઈ, ઉપનગરો, નવી મુંબઈ અને થાણેમાં આગામી થોડા કલાકોમાં ભારે વરસાદ પડી શકે છે, તેથી લોકોએ સાવધ રહેવાની જરૂર છે.
મુંબઈમાં શરુ થશે વરસાદનો જોરદાર રાઉન્ડ
તમને જણાવી દઈએ કે મુંબઈ, થાણે, નવી મુંબઈ અને પાલઘરમાં રવિવાર, 15 જૂનથી તૂટક તૂટક ભારે વરસાદ પડી રહ્યો છે. તેના કારણે ઘણા વિસ્તારોમાં પાણી ભરાઈ જવા અને ટ્રાફિક જામ જેવી સમસ્યાઓ સર્જાઈ છે. રાતથી સતત વરસાદને કારણે જનજીવન પ્રભાવિત થયું છે.વહીવટીતંત્ર દ્વારા ડિઝાસ્ટર મેનેજમેન્ટ ટીમો તૈનાત કરવામાં આવી છે અને સતત દેખરેખ રાખવામાં આવી રહી છે.
