નવરાત્રીમાં વસ્ત્રો પહેરતા પહેલા જોઈ લો આ કલર લિસ્ટ! કયા દિવસે કયો રંગ પહેરવો રહેશે સૌથી શુભ?

ગરબા અને પૂજા માટે અત્યારથી જ કરી લો તૈયારી! આ રહી આ વર્ષની નવરાત્રીના 9 રંગોની પૂરી યાદી

સનાતન ધર્મમાં શારદીય નવરાત્રીનો પર્વ ખૂબ જ ધામધૂમ અને શ્રદ્ધા સાથે ઉજવવામાં આવે છે. આશ્વિન સુદ એકમથી શરૂ થનાર આ પવિત્ર પર્વ નવમી તિથિ સુધી ચાલે છે. આ નવ દિવસોમાં માતા દુર્ગાના અલગ-અલગ નવ સ્વરૂપોની વિધિ-વિધાનથી પૂજા કરવામાં આવે છે. નવરાત્રીના આ નવ દિવસોમાં ધાર્મિક અને આધ્યાત્મિક દ્રષ્ટિકોણથી રંગોનું ખૂબ જ મોટું મહત્ત્વ માનવામાં આવે છે.

દર વર્ષે નવરાત્રી આવે એટલે લોકોના મનમાં આ પ્રશ્ન ચોક્કસ રહે છે કે કયા દિવસે કયો રંગ પહેરવો શુભ રહેશે. જો તમે પણ માં દુર્ગાના આશીર્વાદ મેળવવા માટે આ નવ દિવસોમાં તિથિઓ પ્રમાણે યોગ્ય રંગના કપડાં પસંદ કરવા માંગતા હો, તો આ ડે-વાઈઝ કલર લિસ્ટ તમારા માટે ખૂબ જ ઉપયોગી સાબિત થશે. ચાલો જાણીએ નવરાત્રીના નવ દિવસના નવ ખાસ રંગ અને તેનું મહત્ત્વ.

નવરાત્રી 2026: 9 દિવસની પૂરી કલર લિસ્ટ (Color List)

નવરાત્રીના 9 રંગોનું ધાર્મિક અને આધ્યાત્મિક મહત્ત્વ

1. નારંગી રંગ (ઊર્જા અને ઉત્સાહ): આ રંગ ઊર્જા, ગરમાવો અને સકારાત્મકતાનું પ્રતીક છે. નવરાત્રીના પહેલા દિવસે માં શૈલપુત્રીની પૂજા સમયે નારંગી રંગના વસ્ત્રો પહેરવાથી મનમાં ઉત્સાહ અને નવી ઊર્જાનો સંચાર થાય છે.

2. સફેદ રંગ (શાંતિ અને પવિત્રતા): આ રંગ શુદ્ધતા અને શાંતિનું પ્રતીક માનવામાં આવે છે. બીજા દિવસે માં બ્રહ્મચારિણીની આરાધના કરતી વખતે સફેદ રંગ પહેરવાથી માનસિક શાંતિ અને સ્થિરતા મળે છે.

3. લાલ રંગ (સાહસ અને શક્તિ): લાલ રંગ માં દુર્ગાને ખૂબ જ પ્રિય છે અને તે સાહસ, શક્તિ તથા ઉલ્લાસનું પ્રતીક છે. ત્રીજા દિવસે માં ચંદ્રઘંટાના આશીર્વાદ મેળવવા માટે લાલ વસ્ત્રો પહેરવા ખૂબ જ શુભ માનવામાં આવે છે.

4. ઘેરો વાદળી રંગ (ભવ્યતા અને સ્થિરતા): રોયલ બ્લુ રંગ સ્થિરતા અને ભવ્યતાનો અહેસાસ કરાવે છે. ચોથા દિવસે માં કૂષ્માડાની આરાધના આ જ રંગના કપડાં પહેરીને કરવી ફળદાયી બને છે.

5. પીળો રંગ (ખુશી અને બુદ્ધિમત્તા): પીળો રંગ સકારાત્મકતા, જ્ઞાન અને પ્રસન્નતાનું પ્રતીક છે. પાંચમા દિવસે માં સ્કંદમાતાની પૂજામાં પીળો રંગ પહેરવો તમારા જીવનમાં ખુશીઓ લઈને આવે છે.

6. લીલો રંગ (પ્રકૃતિ અને નવી શરૂઆત): લીલો રંગ પ્રકૃતિ, હરિયાળી અને જીવનમાં નવા બદલાવનું પ્રતીક છે. છઠ્ઠા દિવસે માં કાત્યાયનીને પ્રસન્ન કરવા માટે લીલા રંગના કપડાં પહેરવા અત્યંત શુભ મનાય છે.

7. ગ્રે / સ્લેટી રંગ (સંતુલિત વિચાર): આ રંગ જીવનમાં સંતુલન અને પરિપક્વતા દર્શાવે છે. સાતમા દિવસે મહાકાળી એટલે કે માં કાલરાત્રીની ઉપાસના સમયે સ્લેટી રંગના વસ્ત્રો ધારણ કરવામાં આવે છે.

8. જાંબલી રંગ (આધ્યાત્મિકતા અને મહત્ત્વાકાંક્ષા): આ રંગ ભવ્યતા અને આધ્યાત્મિકતા સાથે જોડાયેલો છે. આઠમા દિવસે મહાગૌરીની પૂજા દરમિયાન જાંબલી રંગ પહેરવો ખૂબ જ શુભ ફળ આપે છે.

9. મોરપીંછ લીલો રંગ (કરુણા અને વિશિષ્ટતા): નવરાત્રીના અંતિમ દિવસે એટલે કે નવમી તિથિ પર માં સિદ્ધિદાત્રીની પૂજા કરતી વખતે પીકોક ગ્રીન (મોરપીંછ લીલો) રંગ પહેરવાથી જીવનમાં કરુણા, સંતુલન અને સફળતા પ્રાપ્ત થાય છે.