એશિયાની બે મહાશક્તિ ભારત અને ચીન વચ્ચેની સ્પર્ધા જગજાહેર છે. બંને દેશોની અર્થવ્યવસ્થા પણ ઘણી ઝડપથી આગળ વધી રહી છે. જોકે ચીન દરેક વખતે ભારત કરતાં આગળ હોવાનો દાવો કરતું રહ્યું છે. પરંતુ તેને હવે ભારતની તાકાતનો પરિચય થઈ રહ્યો છે. ચીનની સતાધારી કમ્યુનિસ્ટ પાર્ટીના અખબાર ગ્લોબલ ટાઈમ્સે પોતાના હાલના એક લેખમાં ચીની સરકારને ભારતના વિકાસને લઈને માહિતગાર કર્યા છે. ગ્લોહલ ટાઈન્સે લખ્યું છે કે, ‘ભારત વધુ ને વધુ વિદેશી રોકાણકારોને પોતાને ત્યાં આકર્ષવામાં સફળ રહ્યું છે.’
ગ્લોબલ ટાઈમ્સે લખ્યું કે આ ઘટનાને ચીની સરકારે ગંભીરતાથી લેવી જોઈએ. અખબારે લખ્યું કે, ભારતનું યુવાધન તેની તાકાત વધુ ને વધુ મજબૂત બનાવી રહ્યું છે. જેની સામે ચીનમાં યુવાનોની સંખ્યા ઓછી છે. ભારતમાં અડધાથી વધુ જનસંખ્યા ૨૫ વર્ષથી ઓછી ઉંમરની છે, જેનો લાભ ભારતની આર્થિક પ્રગતિને મળી રહ્યો છે. હાલના સંજાગો જોતાં ચીન ભારતની પ્રગતિને નજરઅંદાજ કરી શકે નહીં.
ગ્લોબલ ટાઈમ્સના રીપોર્ટમાં જણાવવામાં આવ્યું છે કે, જો ભારત વિદેશી રોકાણકારોને આકર્ષવામાં સફળ રહેશે તો, આગામી સમયમાં ચીન માટે ભારત મુશ્કેલી સર્જી શકે છે. બીજી તરફ ગ્લોબલ ટાઈમ્સે ભારતના વડાપ્રધાન નરેન્દ્ર મોદીના વખાણ કરતાં જણાવ્યું કે, પીએમ મોદીએ સૌર ઊર્જાક્ષેત્રમાં આગામી પાંચ વર્ષમાં ૧૦૦ અબજ અમેરિકન ડોલરનું રોકાણ કરવાનું લક્ષ્ય નિર્ધારિત કર્યું છે. વધુમાં ગ્લોબલ ટાઈમ્સે લખ્યું કે, હાલના સમયમાં વિશ્વનો કોઈ પણ દેશ સૌર ઊર્જાક્ષેત્રમાં ભારતની સરખામણી કરી શકે તેમ નથી.
SATYA DESK
Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.