સુપ્રીમ કોર્ટે બુધવારે ચારધામ હાઇવે પ્રોજેક્ટ પર નજર રાખતી પોતાની ઉચ્ચ શક્તિશાળી સમિતિને ભારત-ચીન સરહદી વિસ્તારમાં રસ્તાઓની પહોળાઈ સાત મીટર સુધી પહોંચાડવા માટે સંરક્ષણ મંત્રાલય સહિતતમામ અરજીઓ પર વિચાર કરવા જણાવ્યું હતું. 900 કિલોમીટરના વ્યૂહાત્મક ચારધામ હાઇવે પ્રોજેક્ટનો ઉદ્દેશ દરેક સિઝનમાં યમુનોત્રી, ગંગોત્રી, કેદારનાથ અને બદીનાથને સડક માર્ગે જોડવાનો છે.
સંરક્ષણ મંત્રાલયે માર્ગ પરિવહન અને રાજમાર્ગ મંત્રાલયને માર્ગ પરિવહન અને રાજમાર્ગ મંત્રાલયને 5.5 મીટર ની પહોળાઈ જાળવી રાખવા માટે 2018ના પરિપત્રનું પાલન કરવા જણાવ્યું છે. જસ્ટિસ આરએફ નરીમન, જસ્ટિસ નવીન સિંહા અને જસ્ટિસ કેએમ જોસેફની ખંડપીઠે તમામ અરજીઓ પર નોટિસ જારી કરી હતી અને કેસ જાન્યુઆરી, 2021ના ત્રીજા અઠવાડિયા સુધી મુલતવી રાખ્યો હતો. સંરક્ષણ મંત્રાલયે પોતાની અરજીમાં નિર્દેશ માંગ્યો છે કે ઋષિકેશથી માના, ઋષિકેશથી ગંગોત્રી અને તનકપુરથી પિથોરાગઢ સુધીના રાષ્ટ્રીય ધોરીમાર્ગોને બે લેનમાં વિકસાવવામાં આવે. આ ત્રણ હાઇવે જોશીમઠ, ઉત્તરકાશી, રૂકી, રાયવાલા, દેહરાદૂન, તનકપુર, પિથોરાગઢ વગેરે માં સૈન્ય અથવા ઇન્ડો-તિબેટિયન બોર્ડર પોલીસ બેઝને ચીન સાથેની આંતરરાષ્ટ્રીય સરહદ અથવા વાસ્તવિક નિયંત્રણ રેખા સાથે જોડે છે. મંત્રાલયનું કહેવું છે કે ઉચ્ચ શક્તિશાળી સમિતિના અધ્યક્ષ રવિ ચોપરા સહિત પાંચ સભ્યોના લઘુમતી અહેવાલમાં 20 સપ્ટેમ્બર, 2019ના રોજ સેના પ્રમુખનું નિવેદન આપવામાં આવ્યું હતું, જેમાં તેમણે કહ્યું હતું કે, સેનાની જરૂરિયાતો ભગીરથી ઇકો સેન્સિટિવ ઝોનમાં વર્તમાન રસ્તાઓ મારફતે પૂરતી રીતે પૂર્ણ કરવામાં આવી છે. આ સંજોગોમાં માર્ગ પરિવહન અને રાજમાર્ગ મંત્રાલય દ્વારા 5 ઓક્ટોબર, 2012 અને 23 માર્ચ, 2018ના રોજ જારી કરવામાં આવેલા પરિપત્રોમાં જવાનો, શસ્ત્રો, બંદૂકો અને ટેન્કોની અવરજવર માટે જરૂરી રસ્તાઓ વિશે વાત કરવામાં આવતી નથી. આ માટે સેનાની જરૂરિયાતોને પહોંચી વળવા માટે બે લેન સાત મીટર પહોળાઇવાળા રસ્તાઓ જરૂરી છે. તેમાં દેશની સુરક્ષાનો સમાવેશ થાય છે, તેથી કોર્ટના 8 સપ્ટેમ્બરના આદેશમાં સુધારો કરવો જરૂરી છે.
