5th AUGUST: એક વર્ષ થતાં પાકિસ્તાને ભારત સામે અનેક કાર્યક્રમો જાહેર કર્યા, આ રહી તેની મેલી મૂરાદ

5 ઓગસ્ટે કાશ્મીરથી કલમ 370 કાઢી તેને એક વર્ષ પૂર્ણ થશે. પાકિસ્તાને આ દિવસને બ્લેક ડે તરીકે ઉજવીને કાશ્મીર હાઇવેનું નામ બદલીને શ્રીનગર હાઇવે રાખવામાં આવ્યું. હાઈવે પાકિસ્તાનની રાજધાની, ઇસ્લામાબાદને પાકિસ્તાન આંતરરાષ્ટ્રીય વિમાનમથક અને પશ્ચિમમાં એક્સપ્રેસ વે ઇ-75 ને જોડે છે. આ રસ્તાની કુલ લંબાઈ 25 કિ.મી. છે. તેણે જાહેર કર્યું કે, અમારી નજર શ્રીનગર પર છે. પાકિસ્તાને 5 ઓગસ્ટે વિશ્વનું ધ્યાન આકર્ષિત કરવા માટે કાશ્મીર મુદ્દે વ્યાપક પ્રચાર કરીને ભારત પર હુમલો કરવાની યોજના ઘડી છે. 5 ઓગસ્ટ 2020 એ પાકિસ્તાની સૈન્ય અને આઈએસઆઈની યોજના છે કે તે દિવસે તે ભારત પર જુદી જુદી રીતે હુમલો કરશે. સેનાને બદનામ કરવા સોશિયલ મીડિયા પર એક અભિયાન શરૂ કરવામાં આવશે. 5 ઓગસ્ટ 2020 એ પાકિસ્તાન બ્લેક ડેની ઉજવણી કરશે. 5 ઓગસ્ટે ઇમરાન ખાન પાકિસ્તાન હસ્તકના કાશ્મીર જશે. કાશ્મીરનો પોકાર કરશે. પાકિસ્તાન 4 ઓગસ્ટે યુએનની ટીમને પીઓકે મોકલવાની યોજના બનાવી રહ્યું છે. પાકિસ્તાનની વિદેશોમાં ભારત વિરોધી પ્રદર્શન યોજવાની યોજના છે. જમ્મુ-કાશ્મીરમાં આતંકવાદીઓની ઘૂસણખોરી કરાવશે. સેટેલાઇટ ફોનનો ઉપયોગ સૂચના આપવા માટે કરવામાં આવશે. જમ્મુ-કાશ્મીરના ભાગલાવાદી સૈયદ અલી શાહ ગિલાનીને પોતાનો સૌથી મોટો નાગરિક સન્માન આપવાનો નિર્ણય કર્યો છે. આતંકવાદીઓને વધારતા પાકિસ્તાને ફાઇનાન્સિયલ એક્શન ટાસ્ક ફોર્સ (એફએટીએફ) ની કાર્યવાહી ટાળવા માટે આતંકવાદ વિરોધી કાયદામાં ફેરફાર કર્યો છે.