ચીનમાં ફેલાયેલા કોરોના વાઈરસને કારણે સ્થાનિકોની રૂટિન લાઈફ ખોરવાઈ ગઈ છે. સ્કૂલ, કોલેજ, માર્કેટ, ઓફિસ અને ટ્રાન્સપોર્ટ બંધ છે. લોકો ઘરમાં કેદ થઈને બેઠા છે, તેમને ઘરેથી જ કામ કરવાનો વારો આવ્યો છે. ચીનના હુબેઈમાં સુદૂર ગામમાં એક મહિલાએ તેની દીકરીના ઓનલાઇન ક્લાસ માટે ઘરની બહાર એન્ટી-કોરોના વાઈરસ ટેન્ટ બનાવ્યું છે. તેમના ઘરે સરખું ઇન્ટરનેટ ન આવતા ઘરની બહાર જ ટેન્ટ બનાવી દીધું. હવે તેની દીકરી કોરોના વાઈરસની બીક બગર ટેન્ટમાં બેસીને અભ્યાસ કરે છે. કોરોના વાઇરસથી બચવા માટે ઘણા લોકો નતનવા અખતરા કરી રહ્યા છે. સ્થાનિકો જિરાફના કપડાં પહેરીને ફરી રહ્યા છે. થોડા સમય પહેલાં એક મહિલા હોસ્પિટલમાં જિરાફના કપડાં પહેરીને તેના પિતાને મળવા ગઈ હતી. હોસ્પિટલમાં લોકો તેની સામે આશ્ચર્યની નજરે જોઈ રહ્યા હતા. તેણે કહ્યું કે, કોરોના વાઈરસથી બચવા માટે હું કંઈ પણ કરી શકું છું, લોકો મારા વિશે શું વિચારે છે તેનાથી મને કોઈ ફરક પડતો નથી. ચીનમાં અત્યાર સુધી કોરોના વાઈરસને લીધે મરનારા લોકોની સંખ્યા 2200નો આંકડો વટાવી ચૂકી છે. અત્યાર સુધી આ જોખમી વાઈરસના 75 હજારથી પણ વધારે કેસ સામે આવી ચૂક્યા છે.
Satya Day News
Satya Media Group was founded on 25th January 2005 with a vision to be a pioneer in Gujarati Media Fraternity to cater to news which are original and authentic along with the fearless voice of Gujarati People. We are an unbiased and most acclaimed media house. Satya Day has been Leading Gujarati News Portal since 2005.