વોશિંગટન : અમેરિકી રાષ્ટ્રપતિ ડોનાલ્ડ ટ્રમ્પ સામે મહાભિયોગ માટેનો પ્રસ્તાવ હાઉસ ઓફ રિપ્રેઝન્ટેટિવ્સમાંથી પસાર થઈ ગયો છે. યુક્રેન વિવાદ બાદ સ્પીકર નેન્સી પોલોસીએ ડોનાલ્ડ ટ્રમ્પના પદના દુરૂપયોગનો આરોપ લગાવતા ડોનાલ્ડ ટ્રમ્પના મહાભિયોગની વાત કરી હતી. ગુરુવારે, જ્યારે 6 કલાક ચર્ચા બાદ મતદાન યોજાયું હતું, ત્યારે મહાભિયોગ પ્રસ્તાવ બે કલમો હેઠળ પસાર કરવામાં આવ્યો છે. હવે આ પ્રક્રિયા બાદ વ્હાઇટ હાઉસનું નિવેદન બહાર આવ્યું છે.
મહાભિયોગ પ્રસ્તાવ પસાર થયા પછી, વ્હાઇટ હાઉસે તેના નિવેદનમાં કહ્યું, “ડોનાલ્ડ ટ્રમ્પ આશા રાખે છે કે સેનેટ આ પ્રક્રિયા યોગ્ય રીતે ચલાવશે.” પ્રતિનિધિ ગૃહમાં વાજબી પ્રક્રિયાનું પાલન કરવામાં આવ્યું ન હતું. ડોનાલ્ડ ટ્રમ્પ આગળની કોઈપણ પ્રક્રિયા માટે તૈયાર છે. ”
વ્હાઇટ હાઉસે કહ્યું કે, ડોનાલ્ડ ટ્રમ્પે સત્તા સંભાળ્યા ત્યારથી જ તેઓ અમેરિકન જનતા માટે અથાક કામ કરી રહ્યા છે, જે તેઓ કાર્યાલયમાં તેમના છેલ્લા દિવસ સુધી કરવાનું ચાલુ રાખશે.