ઈમરાન ખાન બન્યા પાકિસ્તાનના 22 માં પ્રધાનમંત્રી, નવજોત સિંહ પણ રહ્યા હાજર

પાકિસ્તાન તહરીક-એ-ઈન્સાફના પ્રમુખ અને ચૂંટાયેલા પ્રધાનમંત્રી ઈમરાન ખાન પાકિસ્તાનના અધિકૃત પ્રધાનમંત્રી બની ગયા છે. પાકિસ્તાનના રાષ્ટ્રપતિ મમનૂન હુસેને તેમને દેશના પીએમ તરીકે શપથ લેવડાવ્યા છે. ઈમરાન ખાનને શુક્રવારે નેશનલ અસેમ્બલીમાં પીએમ ચૂંટવામાં આવ્યા છે અને તેમણે પાકિસ્તાન મુસ્લિમ લીગ-નવાઝ (પીએમએલ-એન) ના ઉમેદવાર અને શહવાઝ શરીફને મ્હાત આપી છે. ભારતના પૂર્વ ક્રિકેટર અને કોંગ્રેસ નેતા નવજોત સિંહ સિદ્ધુ શપથ ગ્રહણમાં ભાગ લેવા પહોંચ્યા છે. ઈમરાન પાકિસ્તાનના 22 માં પ્રધાનમંત્રી બન્યા છે. મહેમાનોના કારણે શપથગ્રહણમાં મોડુ થયુ હતુ. ઈમરાન ખાને શપથગ્રહણ માટે કાળા રંગની શેરવાની પહેરી હતી.