Iran-Israel War: ઈરાનના સુપ્રીમ લીડર ખામેનીએ કહ્યું- બધા મુસ્લિમોએ એકજૂટ રહેવું જોઈએ
Iran-Israel War: હિઝબુલ્લાહ બાદ હવે ઈરાન પણ સત્તાવાર રીતે ઈઝરાયેલ અને હમાસ વચ્ચે શરૂ થયેલા યુદ્ધમાં કૂદી પડ્યું છે. હિઝબુલ્લાના ચીફ હસન નસરાલ્લાહના મોત બાદ ઈરાને ઈઝરાયેલ પર બેલેસ્ટિક મિસાઈલોથી હુમલો કર્યો હતો. જો કે ઇઝરાયેલની સેનાએ આયર્ન ડોમની મદદથી મોટાભાગની મિસાઇલોનો નાશ કર્યો હતો, પરંતુ ઇરાનનો દાવો છે કે તેની મોટાભાગની મિસાઇલો નિશાન પર પડી હતી.
ઈઝરાયેલ અને ઈરાન હાલમાં એકબીજા સામે હુમલાઓ કરી રહ્યા હોવા છતાં એક સમયે બંને ખૂબ સારા મિત્રો હતા.
વાસ્તવમાં ઈરાન અને યહૂદીઓ વચ્ચેની દુશ્મની જૂની છે, પરંતુ એક સમય એવો આવ્યો જ્યારે બંને દેશો વચ્ચે ખૂબ જ સારા સંબંધો સ્થાપિત થઈ ગયા. વર્ષ 1953માં ઈરાનમાં મોહમ્મદ રેઝા શાહનું શાસન સ્થાપિત થયું હતું. આ દરમિયાન બંને દેશોના સંબંધોમાં પણ નવો વળાંક આવ્યો. આ સાથે ઈરાન અને ઈઝરાયેલ વચ્ચે આર્થિક, સૈન્ય અને અન્ય ક્ષેત્રોમાં આદાનપ્રદાન થવા લાગ્યું.
એટલું જ નહીં ઈરાનથી ઈઝરાયલને તેલ સપ્લાય કરવામાં આવતું હતું, જેના બદલામાં ઈરાનને આધુનિક શસ્ત્રો મળ્યા હતા, પરંતુ બંને દેશો વચ્ચેના સંબંધોમાં ખટાશનું વર્ષ હતું, ઈરાનમાં ઈસ્લામિક ક્રાંતિના કારણે રાજાશાહીનો અંત આવ્યો અને ઈરાનમાં બધું જ કંઈક બદલાઈ ગયું હતું. ઈસ્લામિક ક્રાંતિ પછી ઈરાને ઈઝરાયલ સાથેના તમામ સંબંધો તોડી નાખ્યા અને તેમની વચ્ચે દુશ્મની વધવા લાગી.
ઈરાન એક ઈસ્લામિક દેશ બન્યો અને ઈરાનના સર્વોચ્ચ નેતા આયાતુલ્લા અલી ખામેની બન્યા ઈરાનમાં ઈસ્લામિક કાયદો (શરિયા) લાગુ કરવામાં આવ્યો અને ઈરાને અમેરિકા અને પશ્ચિમી દેશો સાથેના સંબંધો મર્યાદિત કર્યા. એટલું જ નહીં, ઈરાને પણ હમાસને સમર્થન આપવાનું શરૂ કર્યું. અહીંથી જ તેની ઈરાન સાથેની મિત્રતા દુશ્મનીમાં બદલાઈ ગઈ. ચાર દાયકાથી વધુ સમય વીતી જવા છતાં બંને દેશો વચ્ચેના સંબંધો સુધર્યા નથી.
નસરાલ્લાહની વિદાય દુઃખદ છેઃ ખામેની
ખામેનીએ કહ્યું કે હિઝબુલ્લાના ચીફ હસન નસરાલ્લાહનું નિધન આપણા માટે અપુરતી ખોટ છે. ઈરાનથી લેબનોન સુધીના મુસ્લિમોએ એક થવું જોઈએ.
દુશ્મનોની યોજનાઓ સફળ નહીં થાય
ખમેનીએ પોતાના સંબોધનમાં કહ્યું કે અમે દુશ્મનોની યોજનાઓને સફળ થવા દઈશું નહીં. તેઓ મુસ્લિમો પ્રત્યે દુશ્મનાવટ વધારવા માંગે છે. દુશ્મનો તેમની દુષ્ટ રાજનીતિ વધારવા માંગે છે. તેઓ પેલેસ્ટાઈન પર પણ અત્યાચાર કરી રહ્યા છે.
