પાકિસ્તાનના બલૂચિસ્તાન પ્રાંતમાં રવિવારે સશસ્ત્ર બળવાખોરોએ ચીની એન્જિનિયરોના કાફલા પર હુમલો કર્યો હતો. સ્થાનિક અખબાર ‘બલૂચિસ્તાન પોસ્ટ’ના અહેવાલ અનુસાર, બંદરીય શહેર ગ્વાદરમાં વિસ્ફોટ અને ગોળીબારના અવાજો સંભળાઈ રહ્યા છે, જ્યાં ઘટનાસ્થળે તમામ રસ્તાઓ વાહનવ્યવહાર માટે બંધ કરી દેવામાં આવ્યા છે. એવું કહેવામાં આવ્યું છે કે સરકારી અધિકારીઓએ આખરે ગ્વાદરમાં ચીની એન્જિનિયરો પર હુમલાની પુષ્ટિ કરી છે. બલૂચિસ્તાન પોસ્ટે મીડિયા રીલિઝને ટાંકીને કહ્યું કે ચીની એન્જિનિયરોના કાફલા પર હુમલો સવારે 9.30 વાગ્યે થયો હતો અને તેના પછી પણ લગભગ બે કલાક સુધી ભીષણ ગોળીબાર ચાલુ હતો.
સ્થાનિક મીડિયાના અહેવાલ મુજબ ચીની એન્જિનિયરોના કાફલા પર હુમલો ગ્વાદરમાં ફકીર કોલોની પાસે થયો હતો. અત્યાર સુધી કોઈ જૂથે હુમલાની જવાબદારી લીધી નથી. સ્થાનિક મીડિયાના અહેવાલો અનુસાર, સત્તાવાળાઓએ શહેરને હાઈ એલર્ટ પર મૂક્યું છે અને શહેરમાં પ્રવેશવાના અને બહાર નીકળવાના તમામ માર્ગોને બેરિકેડ કરી દીધા છે. નોંધપાત્ર રીતે, ગયા વર્ષે મે મહિનામાં, કરાચી યુનિવર્સિટીમાં ચાઇનીઝ નિર્મિત કન્ફ્યુશિયસ ઇન્સ્ટિટ્યૂટના કર્મચારીઓને લઈ જતી મિનિબસ પર બુરખા પહેરેલી બલૂચ મહિલા આત્મઘાતી બોમ્બરે હુમલો કરતા ત્રણ ચીની નાગરિકો સહિત ચાર લોકો માર્યા ગયા હતા.
Explosions continue to rock Gwadar after attack on a convoy of Chinese engineers. The port remains cordoned off as all routes have been shut. pic.twitter.com/tvRMythi7e
— The Balochistan Post – English (@TBPEnglish) August 13, 2023
બલૂચિસ્તાન લિબરેશન આર્મી (BLA) એ હુમલાની જવાબદારી લીધી હતી. પાકિસ્તાનમાં કામ કરતા ચીની નાગરિકો પર ગયા વર્ષે આ પહેલો મોટો હુમલો હતો. જ્યારે જુલાઈ 2021માં ઉત્તર-પશ્ચિમ પાકિસ્તાનમાં એન્જિનિયરોને લઈ જતી બસમાં બોમ્બ વિસ્ફોટ કરવામાં આવ્યો હતો. જેમાં 9 ચીની મજૂરો સહિત 13 લોકોના મોત થયા હતા. દબાણ હેઠળ પાકિસ્તાને માર્યા ગયેલા ચીની મજૂરોના પરિવારજનોને લાખો રૂપિયાનું વળતર આપ્યું હતું. આ હુમલાની તપાસ માટે ચીને પોતાની ટીમ મોકલી હતી.
