યુક્રેનમાં ચાલી રહેલા યુદ્ધની વચ્ચે કેન્દ્ર સરકાર અને એમ્બેસીએ ત્યાં ફસાયેલા ભારતીયોને બહાર કાઢવા માટે રોમાનિયા અને હંગેરીનો માર્ગ પસંદ કર્યો છે. આ માર્ગ પરથી ભારતીયોને બહાર કાઢવાના પ્રયાસો શરૂ કરવામાં આવ્યા છે.હંગેરીમાં ભારતીય દૂતાવાસે જણાવ્યું હતું કે હાલમાં રોમાનિયાની સરહદ પર ઉઝોરોડ નજીક હંગેરિયન સરહદ પર CHOP-ZAHONY અને ચેર્નિવત્સીમાં PORUBNE-SIRET ખાતે ખાલી કરાવવા માટે ટીમો પોહચી રહી છે .
હંગેરીમાં ભારતીય દૂતાવાસે કહ્યું કે પહેલા તે ભારતીયો, ખાસ કરીને વિદ્યાર્થીઓ, જેઓ ઉપરોક્ત સરહદ ચોકીઓની નજીકમાં રહે છે, તેમને સંગઠિત રીતે ત્યાં પહોંચવા માટે કહેવામાં આવ્યું છે. તેને આ માટે વિદેશ મંત્રાલયની ટીમ સાથે સંકલન કરવા માટે કહેવામાં આવ્યું છે.
યુક્રેનમાં ચાલી રહેલા યુદ્ધને કારણે ભારતના 15 હજારથી વધુ લોકો ત્યાંના વિવિધ શહેરોમાં ફસાયેલા છે. લગભગ 4 હજાર લોકો ત્યાંથી નીકળી ગયા છે. એર ઈન્ડિયાની શરૂઆતની ફ્લાઈટમાંથી પણ ઘણા લોકોને દિલ્હી લાવવામાં આવ્યા હતા. રશિયન બોમ્બમારો અને બંને દેશોની સેનાઓ વચ્ચે ભીષણ લડાઈ ચાલુ છે. સેનાએ કિવની બહારના ભાગમાં ત્રણ પુલ ઉડાવી દીધા છે,જેથી રશિયન ટેન્કો ત્યાં ઘૂસી ન શકે. યુદ્ધની વચ્ચે ભારતીયોની મુશ્કેલીઓ વધી રહી છે. તેમની પાસે ખાવા પીવાનું પણ નથી.
