લોકોમાં ભારતીય કેરી પ્રત્યે રૂચિ વધી: નેશનલ મેંગો ડેટાબેઝ વેબસાઈટ પર 500થી વધારે પ્રજાતિની જાણકારી આપી

ભારતની કેરીનો સ્વાદ, ગુણવત્તા, પૌષ્ટિક તત્ત્વો, આકર્ષક રંગ અને ઉપયોગીતાને લઈને વિશ્વભરના લોકોએ રસ દેખાડ્યો છે. તેમાં રશિયા, ઓસ્ટ્રેલિયા અને ચીન ટોપ પર છે. ભારતીય કેરીને દુનિયાભરમાં ફેમસ બનાવવા માટે નેશનલ મેંગો ડેટાબેઝ વેબસાઈટ બનાવી હતી. તેમાં એક વર્ષમાં આશરે 34 લાખ હિટ્સ આવ્યા છે. તેમાં 7 લાખ ભારતીયોના છે અને બાકીના 27 લાખ વિદેશીઓના છે. ભારતીય કેરી પ્રત્યે સારો રસ દાખવનારામાં અમેરિકાના લોકોના 6 લાખ હિટ્સ આવ્યા છે. સેન્ટ્રલ ઇન્સ્ટિટ્યૂટ ફોર સબટ્રોપિકલ હોર્ટીકલચરના મેનેજર શૈલેન્દ્ર રાજને કહ્યું કે, વેબસાઈટ પર સૌથી વધારે રશિયા, ઓસ્ટ્રેલિયા અને ચીનના લોકો આવ્યા છે. ભારતીય કેરીની લોકપ્રિયતા વધવાની સાથે-સાથે કેરીની માગ પણ વધી છે. નેશનલ મેંગો ડેટાબેઝ વેબસાઈટ પર 500થી વધારે પ્રજાતિની જાણકારી આપી છે. આ ઉપરાંત દેશના 450થી વધારે ખેડૂતોની જાણકારી પણ આપી છે. આ ખેડૂતો છેલ્લા 10 વર્ષથી પણ વધારે સમયથી કેરીની વિવિધ પ્રજાતિનું સંરક્ષણ કરી રહ્યા છે.