મોસ્કોથી 5,600 કિમી પૂર્વમાં બુરિયાટિયા પ્રદેશના ઉડે એરપોર્ટ પરથી કથિત રીતે ઉડાન ભર્યાની થોડી જ મિનિટોમાં રશિયન કાર્ગો પ્લેન અંદાપ આકાશમાં વિસ્ફોટ થયો હતો.
ચીન(China) જઈ રહેલા રશિયન(Russia)કાર્ગો પ્લેનમાં અચાનક આગ લાગી, આ ઘટનાનો વીડિયો સોશિયલ મીડિયા પર વાયરલ થઈ રહ્યો છે. અહેવાલો અનુસાર, રશિયન કાર્ગો પ્લેન મોસ્કોથી 5,600 કિમી પૂર્વમાં બુરિયાટિયા ક્ષેત્રમાં ઉલાન-ઉડે એરપોર્ટથી કથિત રીતે ઉડાન ભર્યાની થોડી મિનિટોમાં વિસ્ફોટ થયો હતો. અહેવાલો અનુસાર, એન્જિનમાં વિસ્ફોટ થયા બાદ Tu-204 વિમાનમાં આગની જ્વાળાઓ દેખાવા લાગી હતી. જોકે, પાયલોટ ટેકઓફની થોડી જ મિનિટોમાં ઈમરજન્સી લેન્ડિંગ કરવામાં સફળ રહ્યો હતો.
“મેં ઉપરથી એક શક્તિશાળી વિસ્ફોટ સાંભળ્યો. પહેલા મને લાગ્યું કે તે ફટાકડાનો છે, પરંતુ અવાજ ખૂબ જ વિચિત્ર હતો. તે ખૂબ જ ડરામણો હતો,” એક મહિલા પ્રત્યક્ષદર્શીએ બ્રિટનના ડેઈલી એક્સપ્રેસ અખબારને આપેલા ઈન્ટરવ્યુમાં જણાવ્યું હતું. અન્ય એક સાક્ષીએ કહ્યું, “તે ખૂબ જ તેજ રીતે બળી રહ્યું હતું. તેમાંથી કેટલાક પડી રહ્યા હતા.” અહેવાલ મુજબ આ ફ્લાઈટ ચીન જઈ રહી હતી. વિમાન ઉલાન-ઉડેના બૈકલ એરપોર્ટથી ટેકઓફ થયું હતું અને ચીનના શહેર ઝાંગઝોઉ તરફ જઈ રહ્યું હતું ત્યારે આકાશમાં વિસ્ફોટ થયો હતો.
આ ઘટનામાં કોઈ જાનહાનિના સમાચાર નથી. પ્લેનમાં પાંચ લોકો સવાર હતા. આ ઘટનાની હાલમાં પૂર્વ સાઇબેરીયન ટ્રાન્સપોર્ટ પ્રોસીક્યુટર ઓફિસ દ્વારા તપાસ કરવામાં આવી રહી છે.
અહીં વિડિયો જુઓ
🔥 ✈️ Russia: Tu-204 cargo plane's engine caught fire at takeoff. The jet dumped fuel and managed to land in Ulan-Ude, near Mongolia.
Putin's regime cannot function without Western technology. Sanctions loopholes must continue to be eliminated. pic.twitter.com/e31oTRMEiM— Igor Sushko (@igorsushko) December 7, 2023
રશિયા(Russia) તાજેતરમાં જ આંતરરાષ્ટ્રીય નાગરિક ઉડ્ડયન સંગઠન (ICAO) દ્વારા અનેક હવાઈ સુરક્ષા મુદ્દાઓને કારણે ‘રેડ ફ્લેગ’ તપાસનો વિષય બન્યો છે. આ વર્ષના પ્રથમ આઠ મહિનામાં, રશિયામાં 120 હવાઈ અકસ્માતો થયા હતા જેમાં રશિયન એરલાઇન્સ દ્વારા સંચાલિત નાગરિક વિમાન સામેલ હતા. બ્રિટિશ મીડિયા અહેવાલો દાવો કરે છે કે યુક્રેનમાં યુદ્ધ દરમિયાન નોંધપાત્ર રીતે ઓછી ફ્લાઇટ્સ હોવા છતાં, તાજેતરના વર્ષોમાં અપ્રિય ઘટનાઓની આ સંખ્યા બમણીથી વધુ થઈ ગઈ છે.