સ્વિટ્ઝરલેન્ડમાં કોઇ શા માટે બેન્કના ટોઇલેટમાં રોકડ રકમ ફલશ કરી રહ્યું છે

જીનીવા તા. ર૧: થોડાક મહિના પહેલાં સ્વિટ્ઝરલેન્ડની એક બેન્કના વોલ્ટનું ચોકઅપ થયેલું ટોઇલેટ સાફ કરવામાં આવ્યું ત્યારે એમાંથી કાતરથી કાપેલી પ૦૦ યુરોની નોટોનું કતરણ નીકળ્યું હતું. એ પછી એક રેસ્ટોરાંના ટોઇલેટમાં પણ આવો જ મામલો બહાર આવ્યો છે. આ સિલસિલો થમવાનું નામ નથી લેતો. હજીયે જિનીવાની કેટલીક બેન્કો અને રેસ્ટોરાંઓના ટોઇલેટમાંથી હજારો યુરોની નોટો ચોકઅપ થયેલા ટોઇલેટમાંથી નીકળી રહી છે. નવાઇની વાત એ છે કે સ્વિટ્રઝરલેન્ડનું ચલણ છે સ્વિસ ફ્રાન્ક, દેશના કાનૂન પ્રમાણે ચલણી નોટો ડિસ્ટ્રોય કરવાનું ગુનો નથી, પરંતુ મોટી માત્રામાં આવી રીતે ચલણી નોટો કોણ અને કેમ વેડફી રહ્યું છે એ રહસ્યમય કોયડો થઇ ગયો છે. તાજેતરમાં જિનીવામાં એક બેન્ક અને ત્રણ રેસ્ટોરાંના ટોઇલેટમાંથી લગભગ એક લાખ ડોલર એટલે કે લગભગ ૬૪.૩ લાખ રૂપિયાની કિંમતની યુરોની નોટો મળી આવી છે. આ નોટો સાજીસમી છે અને હવે એ નોટોનું શું કરવામાં આવશે એ હજી કંઇ જાહેર નથી થયું.