અમેરિકી ચૂંટણી: રાષ્ટ્રપતિ ટ્રમ્પના કેમ્પઇનનો વીડિયો રજૂ કરાયો, ‘હાઉડી મોદી’ અને ‘નમસ્તે ટ્રમ્પ’ સાથે જોવા મળ્યા વડાપ્રધાન મોદી

વોશિંગ્ટન: અમેરિકામાં 3 નવેમ્બરે રાષ્ટ્રપતિની ચૂંટણીઓ યોજાવાની છે. આ સ્થિતિમાં, રિપબ્લિકન અને ડેમોક્રેટિક બંને રાજકીય પક્ષો 2 મિલિયનથી વધુ ભારતીય અમેરિકન મતદારોને મનાવવાનો પ્રયત્ન કરી રહ્યા છે. આ દરમિયાન રિપબ્લિકન પાર્ટીએ ‘હાઉડી મોદી’ અને ‘નમસ્તે ટ્રમ્પ’ કાર્યક્રમનો એક વીડિયો જાહેર કર્યો છે. આ વીડિયોમાં હ્યુસ્ટનમાં આયોજિત ‘હાઉડી મોદી’ કાર્યક્રમ અને અમદાવાદમાં યોજાયેલા ‘નમસ્તે ટ્રમ્પ’ કાર્યક્રમ બંને નેતાઓના ભાષણને જોડીને બતાવવામાં આવ્યો છે. આ વિડીયોને ‘4 વર્ષ વધુ’ શીર્ષક આપવામાં આવ્યું છે.

આ બંને કાર્યક્રમોમાં ટ્રમ્પ અને મોદીએ સાથે મળીને એક વિશાળ જનતા સમૂહને સંબોધન કર્યું હતું. હવે કિમ્બરલી ગિલ્ફોયલે રાષ્ટ્રપતિની ચૂંટણીમાં પ્રચાર માટે બંને નેતાઓનો વીડિયો શેર કર્યો છે. કિમ્બર્લીએ લખ્યું, “અમેરિકા ભારત સાથે ખાસ સંબંધ ધરાવે છે. અમારા કેમ્પઇનને ભારતીય અમેરિકનોનો સપોર્ટ છે.”

https://twitter.com/kimguilfoyle/status/1297267137736781824

વીડિયોમાં વડાપ્રધાન મોદી અને રાષ્ટ્રપતિ ટ્રમ્પ શું કહે છે ..

વીડિયોની શરૂઆત ‘હાઉડી મોદી’ની ઇવેન્ટથી થાય છે. આ કાર્યક્રમ 22 સપ્ટેમ્બર 2019ના રોજ ટેક્સાસના હ્યુસ્ટનમાં યોજવામાં આવ્યો હતો, જેમાં સમગ્ર અમેરિકાના ભારતીય મૂળના લગભગ 50,000 લોકોએ ભાગ લીધો હતો. વીડિયોમાં મોદી અને ટ્રમ્પ સ્ટેજ પર એક બીજાના હાથ પકડતા નજરે પડે છે. આ પછી, વડાપ્રધાન મોદીએ સ્ટેજ પર ઉભા રહીને ટ્રમ્પનો પરિચય આપતા કહ્યું, “યુએસ રાષ્ટ્રપતિ ડોનાલ્ડ ટ્રમ્પને કોઈ પરિચયની જરૂર નથી. રાષ્ટ્રપતિએ મને 2017 માં તેમના પરિવાર સાથે પરિચય કરાવ્યો અને આજે, મને તક મળી ચાલો હું તમને મારા પરિવાર સાથે પરિચય કરાવું. ”

આ પછી વિડીયોમાં ‘નમસ્તે ટ્રમ્પ’ કાર્યક્રમનો એક ભાગ બતાવવામાં આવ્યો છે. આ વર્ષે 24 ફેબ્રુઆરીએ અમદાવાદમાં ‘નમસ્તે ટ્રમ્પ’ કાર્યક્રમ યોજાયો હતો. આ સમયગાળા દરમિયાન, ટ્રમ્પ તેમની પત્ની મેલાનીયા, પુત્રી ઇવાન્કા, જમાઈ જેરેડ કુશનર અને તેમના વહીવટના ઉચ્ચ અધિકારીઓ સાથે હતા. ચૂંટણી પ્રચાર માટે બહાર પાડવામાં આવેલા વીડિયોમાં ટ્રમ્પ કહી રહ્યા છે કે અમેરિકા ભારતને પ્રેમ કરે છે. અમેરિકા ભારતનું સન્માન કરે છે. અમેરિકા હંમેશાં ભારતીયોનો વફાદાર મિત્ર રહેશે.