USA ; રાષ્ટ્રપતિ જો બિડેને ગુરુવારે રાષ્ટ્રને તેમના સંબોધનમાં (સ્ટેટ ઑફ ધ યુનિયન સ્પીચ) માં ડોનાલ્ડ ટ્રમ્પ પર આકરા પ્રહારો કર્યા હતા અને ચેતવણી આપી હતી કે અમેરિકામાં લોકશાહી જોખમમાં છે. પોતાના સંબોધનની શરૂઆતમાં બિડેને કહ્યું કે, ‘હું કોંગ્રેસ અને અમેરિકન લોકોને ખતરાને લઈને ચેતવણી આપવા માંગુ છું.’ તેમણે કહ્યું હતું કે ‘રાષ્ટ્રપતિ લિંકન અને ગૃહયુદ્ધ પછી, દેશ અને વિશ્વમાં લોકશાહી અને સ્વતંત્રતા ક્યારેય આટલી સંકટમાં નહોતી જેટલી આજે છે. લોકશાહી પર હુમલો થઈ રહ્યો છે.
બિડેને ટ્રમ્પ પર પુતિન સામે ઝૂકવાનો આરોપ લગાવ્યો
જો બિડેને ટ્રમ્પ પર પુતિન સામે ઝૂકવાનો આરોપ લગાવ્યો અને ઉત્સાહપૂર્વક કહ્યું કે, ‘હું ઝુકીશ નહીં’. જોકે બિડેને ટ્રમ્પનું નામ લીધું ન હતું, પરંતુ તેમને ભૂતપૂર્વ રાષ્ટ્રપતિ અને ભૂતપૂર્વ રિપબ્લિકન પ્રમુખ ગણાવીને બિડેને સ્પષ્ટ કર્યું કે તેઓ ફક્ત ટ્રમ્પ વિશે જ વાત કરી રહ્યા છે. ગુરુવારે બિડેનનું સંબોધન તેમના સૌથી મહત્વપૂર્ણ રાજકીય ભાષણોમાંનું એક હતું અને તેની સાથે, બિડેને તે આશંકાઓનો પણ અંત લાવ્યો જેમાં બિડેનની વધતી ઉંમર અને તેની માનસિક ક્ષમતા વિશે પ્રશ્નો ઉઠાવવામાં આવી રહ્યા હતા. અમેરિકામાં યોજાઈ રહેલી પ્રાથમિક ચૂંટણીના પરિણામોથી સ્પષ્ટ છે કે નવેમ્બરમાં યોજાનારી પ્રમુખપદની ચૂંટણીમાં બિડેનનો ટ્રમ્પનો સામનો નિશ્ચિત છે.
અર્થવ્યવસ્થાના મુદ્દે કર્યો મોટો દાવો
અમેરિકાની ચૂંટણીમાં ગર્ભપાત અધિકારો પણ મોટો મુદ્દો છે, જેનો રિપબ્લિકન વિરોધ કરી રહ્યા છે. તેના પર બિડેને કહ્યું કે રિપબ્લિકનને અમેરિકામાં મહિલાઓની શક્તિનો ખ્યાલ નથી. ડેમોક્રેટ પાર્ટીનું ફોકસ મહિલા મતદારો પર વધુ છે. અર્થવ્યવસ્થા પર પોતાની સરકારને આડે હાથ લેતા બિડેને કહ્યું કે આપણી અર્થવ્યવસ્થા સંકટમાં હતી, પરંતુ હવે આપણી અર્થવ્યવસ્થા ઘણી સારી સ્થિતિમાં છે. ત્રણ વર્ષમાં 15 મિલિયન નોકરીઓનું સર્જન થયું છે, એક રેકોર્ડ અને દેશમાં બેરોજગારી 50 વર્ષમાં સૌથી ઓછી છે. તેમના ભાષણમાં, બિડેને ગાઝાને માનવતાવાદી સહાય પૂરી પાડવાની જાહેરાત કરી.
બિડેને ચીન-તાઈવાન મુદ્દે આ વાત કહી
જો બિડેને કહ્યું કે તાઈવાન સ્ટ્રેટમાં શાંતિ અને સુરક્ષા માટે અમેરિકા ચીનની વિરુદ્ધ ઊભું છે અને ભારત જેવા સાથી દેશો સાથે ભાગીદારીને વધુ મજબૂત બનાવી રહ્યું છે. બિડેને કહ્યું કે અમે ચીન સાથે સ્પર્ધા ઈચ્છીએ છીએ, સંઘર્ષ નહીં. રાષ્ટ્રપતિની ચૂંટણી પહેલા વર્તમાન પ્રમુખ તરીકે જો બિડેનનું આ છેલ્લું સ્ટેટ ઑફ ધ યુનિયનનું સંબોધન હતું.