Best SBI scheme: મહિને માત્ર ₹593 જમા કરીને બની જાઓ લખપતિ, SBIની ખાસ યોજના વિશે જાણો
Best SBI scheme: નાનાં-નાનાં હપ્તાંમાં રોકાણ કરીને મોટી રકમ ભેગી કરવાની ઇચ્છા હોય તો ભારતીય સ્ટેટ બેંક (SBI) દ્વારા શરૂ કરાયેલી ખાસ “લખપતિ RD યોજના” તમારા માટે ઉત્તમ વિકલ્પ બની શકે છે. ચાલો જાણીએ કે આ યોજના કેવી રીતે કામ કરે છે અને તમે કેવી રીતે તેની મદદથી લખપતિ બની શકો છો.
માત્ર ₹593 મહિને ભરીને મેળવો 1 લાખ રૂપિયાનું ભંડોળ
SBIની લખપતિ યોજના હેઠળ જો તમે દર મહિને માત્ર ₹593 રોકાણ કરો, તો તમે 10 વર્ષમાં ₹1 લાખ સુધીનું ભંડોળ સરળતાથી ભેગું કરી શકો છો. એટલે કે, ખૂબ જ ઓછી રકમથી પણ લાંબા ગાળે સારો નફો મેળવી શકાય છે.
આ યોજનાના હેઠળ સામાન્ય નાગરિકોને લગભગ 6.75% વ્યાજ દર મળશે.
વનિષ્ઠ નાગરિકોને વધુ લાભ મળે છે, તેમને 7.25% વ્યાજ દર આપવામાં આવે છે.
વધુ ઝડપથી લાખ રૂપિયા જોઈએ છે? તો…
જો તમારું લક્ષ્ય 10 વર્ષ નહીં પણ 3 વર્ષમાં 1 લાખ એકત્રિત કરવાનો છે, તો તમારે દર મહિને આશરે ₹2502 જમા કરાવવા પડશે.
વરિષ્ઠ નાગરિકો માટે આ રકમ થોડી ઓછી એટલે કે ₹2482 જેટલી રહેશે.
આમ, તમારી આવક પ્રમાણે તમે સમયગાળો અને મહિનાવાર હપ્તો પસંદ કરી શકો છો.
યોજના માટે કેવી રીતે અરજી કરવી?
SBIની આ યોજના માટે કોઈ પણ ભારતીય નાગરિક અરજી કરી શકે છે. નીચે મુજબની પ્રક્રિયા દ્વારા તમે તમારું ખાતું શરૂ કરી શકો છો:
તમારા નજીકની SBI શાખામાં જઈને “લખપતિ RD યોજના” માટે ફોર્મ મેળવો.
જરૂરી વિગતો ભરી અને આધારકાર્ડ, પાનકાર્ડ જેવા દસ્તાવેજ સાથે ફોર્મ સબમિટ કરો.
ખાતું એકલાં અથવા સંયુક્ત રૂપે ખોલાવી શકાય છે.
ખાતું શરૂ થયા પછી, તમારાં ખાતામાંથી દર મહિને નક્કી રકમ આપમેળે કપાઈ જશે.
શા માટે પસંદ કરવી SBIની લખપતિ યોજના?
નાની રકમથી રોકાણ શરૂ કરી શકાય
સુરક્ષિત અને વિશ્વસનીય પદ્ધતિ
નક્કી વ્યાજ દર સાથે નિશ્ચિત ભવિષ્ય
વરિષ્ઠ નાગરિકોને વધારે વ્યાજનો લાભ
જો તમે પણ આપત્તિના સમયમાં ભરોસાસૂચક ભંડોળ ઇચ્છો છો અને ઓછી આવક હોવા છતાં મોટી બચત કરવા માંગો છો, તો SBIની લખપતિ યોજના તમારા માટે શ્રેષ્ઠ છે.
