હાલ ચીન અને ભારત વચ્ચે ના તણાવ ના માહોલ વચ્ચે ચીનના પ્રોપગેન્ડા ન્યૂઝ પોર્ટલ ગ્લોબલ ટાઇમ્સે ભારતીયો માં ચાલતી ચાઈનીઝ વસ્તુઓ ના બહિષ્કાર મામલે નિશાન સાંધ્યું છે. ગ્લોબલ ટાઇમ્સમાં છપાયેલા એક લેખમાં કહ્યું છે કે કેટલાંક ભારતીય રાષ્ટ્રવાદીઓના લીધે ભારતમાં એન્ટી-ચીન ભાવના ફેલાઇ છે પરંતુ ચીની વસ્તુઓનો બહિષ્કાર કરવાની અપીલ નું સુરસૂરીયું થઈ જશે કેમકે તે અશક્ય છે, કારણ કે ચાઈના ની સસ્તી પ્રોડક્ટ વાપરવા માટે તેઓ આદિ બની ચુક્યા છે અને મોંઘવારી ના માર માં ચાઈના ની આઈટમ સામાન્ય ભારતીયોની જિંદગીનો એક હિસ્સો બની ચૂકી છે અને તેને હટાવવું અશક્ય છે આપને જણાવી દઇએ કે તાજેતરના દિવસોમાં સરહદ પર ચીનની સાથે તણાવની વચ્ચે ભારતમાં ચીની પ્રોડક્ટસનો બહિષ્કાર કરવા માટે જાગૃત નાગરિકો આગળ આવી રહ્યા છે તેવે સમયે ચાઈના મીડિયા માં આ વાત સામે આવી છે.
અખબાર ના આર્ટિકલ માં લદાખ ના સોન વાંગચુકનો પણ ઉલ્લેખ કરાયો છે. આપને જણાવી દઈએ કે સોનમ વાંગચુક નામના નાગરિકે ભારતીયો ને ભારત ના જ સામાન નો ઉપયોગ કરવા વિડીયો શેર કર્યો હતો જેની સામે ચીની મીડિયા એ જણાવ્યું કે તે સામાન્ય ભારતીયોને ચીની વસ્તુઓનો બહિષ્કાર કરવા માટે ઉશ્કેરી રહ્યા છે. ચીનને પાઠ ભણાવા માટે વાંગચુકે યુટ્યુબ પર એક વીડિયો પોસ્ટ કર્યો હતો. તેમાં તેમણે કહ્યું કે ચીનને પાઠ ભણાવવા માટે શું કરી શકાય તે સમજાવ્યું છે તેણે કહ્યું છે કે ચીન ને ઠેકાણે પાડવા બે રીત છે – એક તો સેનાની તૈનાતી અને બીજું ભારતીયોની તરફથી ચીની સામાનનો બહિષ્કારથી પણ હાલમાં ચીની વસ્તુઓનો બહિષ્કાર કરવાનું અભિયાન ચાલી રહયુછે. દાખલા તરીકે રિમવુવ ચાઇના એપ્સ થોડાંક દિવસ પહેલાં જ લોન્ચ થઇ હતી. થોડાંક સમયમાં જ આ એપને 50 લાખથી વધુ ડાઉનલોડ્સ મળ્યા હતા. આ એપ ચીનમાં ડેવલપ કરાયેલ એપ્સને સ્માર્ટફોન અનઇંસ્ટોલ કરવાનું કામ કરતું હતું. તેને પ્લે સ્ટોરમાંથી હટાવી દીધા બાદ મોટી સંખ્યામાં ભારતીય યુઝર્સે પોતાનો ગુસ્સો ઠાલવ્યો. જો કે બાદમાં રિમુવ ચાઇના એપ્સને ગૂગલ પ્લે સ્ટોરે હટાવી દીધી હતી.આમ હવે ચીની વસ્તુઓ ના બહિષ્કાર મામલે ચાઈના ભુરાટુ થયું છે પણ તે જણાવી રહ્યું છે કે દરેક ભારતીયો માં ચાઈના ની વસ્તુ રસોડા સુધી ઘુસી ગઈ હોવાથી તે હવે બંધાણી બની ગયા છે અને ઈચ્છે તો પણ બહિષ્કાર કરી શકે તેમ નથી ઘણી પ્રોડક્ટ ઉપર મેઇડ ઇન ઇન્ડિયા સ્ટીકર લાગેલું હોય છે પણ તે ચીન માં તૈયાર થયેલી વસ્તુ હોય છે.
