T20 વર્લ્ડ કપ 2026 એવોર્ડ લિસ્ટ: સંજુ સેમસન બન્યો ‘પ્લેયર ઓફ ધ ટુર્નામેન્ટ’, જાણો કોને કયો એવોર્ડ મળ્યો
T20 વર્લ્ડ કપ 2026ના રોમાંચક જંગમાં ભારતીય ટીમે ફરી એકવાર વિશ્વ વિજેતા બનીને કરોડો ભારતીયોના દિલ જીતી લીધા છે. આ આખી ટૂર્નામેન્ટમાં ઘણા એવા ખેલાડીઓ રહ્યા જેમણે પોતાના દમદાર પ્રદર્શનથી ઈતિહાસ રચી દીધો. ફાઈનલ મેચ બાદ આયોજિત એવોર્ડ સેરેમનીમાં ખેલાડીઓ પર ઈનામોનો વરસાદ થયો હતો. જેમાં સંજુ સેમસન અને જસપ્રીત બુમરાહ સૌથી તેજસ્વી સિતારા તરીકે ઉભરી આવ્યા હતા.
સંજુ સેમસન: પ્લેયર ઓફ ધ ટુર્નામેન્ટ
એક સમયે પ્લેઈંગ ઈલેવનમાંથી બહાર રહેલા સંજુ સેમસને જે રીતે વાપસી કરી તે કોઈ ફિલ્મી વાર્તાથી ઓછી નથી. તેણે ટૂર્નામેન્ટની છેલ્લી ત્રણ મેચોમાં સતત 80થી વધુ રન ફટકારીને ભારતને ચેમ્પિયન બનાવવામાં સૌથી મહત્વની ભૂમિકા ભજવી. આખા ટૂર્નામેન્ટમાં કુલ 321 રન બનાવીને તે ‘પ્લેયર ઓફ ધ ટુર્નામેન્ટ’ તરીકે ચૂંટાયો છે.
જસપ્રીત બુમરાહ: ફાઈનલનો હીરો
ન્યૂઝીલેન્ડ સામેની હાઈ-વોલ્ટેજ ફાઈનલમાં જસપ્રીત બુમરાહે પોતાની ઘાતક બોલિંગથી કીવી બેટ્સમેનોની કમર તોડી નાખી હતી. તેણે ફાઈનલમાં માત્ર 15 રન આપીને 4 મહત્વની વિકેટો ઝડપી હતી, જેના કારણે તેને ‘પ્લેયર ઓફ ધ મેચ’નો એવોર્ડ આપવામાં આવ્યો હતો.
કોણ બન્યું કયા ક્ષેત્રમાં નંબર-1? (એવોર્ડ લિસ્ટ)
| એવોર્ડનું નામ | ખેલાડીનું નામ | પ્રદર્શનની વિગત |
| પ્લેયર ઓફ ધ ટુર્નામેન્ટ | સંજુ સેમસન (ભારત) | 321 રન |
| પ્લેયર ઓફ ધ મેચ (ફાઈનલ) | જસપ્રીત બુમરાહ (ભારત) | 4 વિકેટ (15 રન) |
| સૌથી વધુ રન | સાહિબજાદા ફરહાન (પાકિસ્તાન) | 383 રન (2 સદી) |
| સૌથી વધુ વિકેટ | બુમરાહ અને વરુણ ચક્રવર્તી (ભારત) | 14-14 વિકેટ |
| સૌથી વધુ છગ્ગા (Sixes) | સંજુ સેમસન (ભારત) | 24 છગ્ગા |
| સૌથી વધુ ચોગ્ગા (Fours) | સાહિબજાદા ફરહાન (પાકિસ્તાન) | 37 ચોગ્ગા |
| સૌથી વધુ કેચ | ગ્લેન ફિલિપ્સ (ન્યૂઝીલેન્ડ) | 11 કેચ |
ટૂર્નામેન્ટના અન્ય ખાસ રેકોર્ડ્સ
આ વર્લ્ડ કપ માત્ર ભારતની જીત માટે જ નહીં, પણ ખેલાડીઓના વ્યક્તિગત રેકોર્ડ્સ માટે પણ યાદગાર રહેશે. પાકિસ્તાનના સાહિબજાદા ફરહાને એક જ સીઝનમાં બે સદી ફટકારીને નવો રેકોર્ડ બનાવ્યો છે, જોકે તેની ટીમ સેમીફાઈનલ સુધી પણ પહોંચી શકી નહોતી.
#SanjuSamson reflects on his T20 World Cup performance and the incredible turnaround in the final three matches. 🇮🇳#T20WorldCup #INDvNZ #Champions pic.twitter.com/hvjJ0ojtSB
— Star Sports (@StarSportsIndia) March 9, 2026
બીજી તરફ, ભારત માટે વરુણ ચક્રવર્તી અને બુમરાહની જોડીએ મળીને બોલિંગમાં તરખાટ મચાવ્યો હતો. બંનેએ સંયુક્ત રીતે સૌથી વધુ 14-14 વિકેટો ઝડપી હતી.
