વાપી સેલવાસ સીમા ઉપર આવેલ લવાછા પિપરીયા ખાતે ના આંબાવાડી પાસે દમણગંગા નદી કિનારે જામેલી બર્થડે પાર્ટીની દારૂની મહેફિલ માં પોલીસે છાપો મારી 19 પિઘ્ધડો ને ઝડપી લીધા હતા.
પોલીસે સ્થળ પર થી કુલ રૂ.32,18,830નો મુદ્દામાલ કબજે
પોલીસે આરોપીઓ પાસેથી રૂ. 40,300ના બીયર, 22 મોબાઇલ કિં.રૂ.98500, અને રૂ.10930 તથા ફોરવ્હીલ નંગ-3 અને મોપેડ નંગ-12 કિં.રૂ.30,65000 અને ખુરશી-ડ્રમ મળી કુલ રૂ.32,18,830નો મુદ્દામાલ કબજે કરી તમામ સામે કોરોના કાળમાં જાહેરનામાનો ભંગ કરવા બદલ ગુનો નોંધી ડુંગરા પોલીસ દ્વારા આગળની કાર્યવાહી હાથ ધરવામાં આવી હતી.
ગુરૂવારે લવાછામાં દારૂની મહેફિલ માણતા 19 લોકોની ધરપકડ બાદ સોશ્યિલ મીડિયામાં આ વાત વાયુવેગે પ્રસરી હતી. આ બર્થડે પાર્ટી સેલવાસના આ ઉદ્યોગપતિના પુત્રની હોવાની વાતે ભારે ચકચાર જગાવી છે.તેણે ગુરૂવારે એક સાથે અલગ અલગ 3થી 4 જગ્યાએ આવી પાર્ટી આપી હોવાની ચર્ચા પણ વહેતી થઈ છે.
બર્થ-ડે પાર્ટીમાં લવાયેલ બીયરનો જથ્થો સેલવાસ સામરવરણી ના એક વાઇનશોપથી લવાયો હતો.
પોલીસે ગુનો નોંધી આગળની તપાસ હાથ ધરી છે. આમ વલસાડ જિલ્લા માં ખુલ્લેઆમ દારૂની રેલમછેલ અને પાર્ટીઓ તેમજ જુગાર ની બદી વકરી હોવાનું સપાટી ઉપર આવી રહ્યું છે.
