રૂ. 1.15 લાખ સુધીનું ડિસ્કાઉન્ટ! 6 એરબેગ્સવાળી આ દમદાર SUVની કિંમત માત્ર 8.89 લાખથી શરૂ
જો તમે આ માર્ચ મહિનામાં નવી SUV ખરીદવાનું વિચારી રહ્યા છો, તો તમારા માટે એક શાનદાર તક છે. સિટ્રોન ઇન્ડિયા (Citroen India) પોતાની લોકપ્રિય SUV Citroen Aircross X પર માર્ચ મહિનામાં 1.15 લાખ રૂપિયા સુધીનું અધધ ડિસ્કાઉન્ટ આપી રહી છે. આ કાર તેની આકર્ષક કિંમત, શાનદાર માઈલેજ અને 7-સીટરના વિકલ્પને કારણે માર્કેટમાં Hyundai Creta અને Kia Seltos જેવી દિગ્ગજ કારોને સીધી ટક્કર આપી રહી છે.
કિંમત અને વેરિઅન્ટ્સ
સિટ્રોન એરક્રોસ X તેના સેગમેન્ટમાં સૌથી વધુ પોસાય તેવી SUV પૈકીની એક છે. કિંમતની વાત કરીએ તો:
- 5-સીટર વેરિઅન્ટ: તેની શરૂઆતી કિંમત રૂ. 8.89 લાખ (એક્સ-શોરૂમ) થી શરૂ થઈને રૂ. 9.99 લાખ સુધી જાય છે.
- 7-સીટર વેરિઅન્ટ: આ મોડલ 1.2 લિટર ટર્બો પેટ્રોલ એન્જિન સાથે આવે છે, જેની કિંમત રૂ. 11.99 લાખથી રૂ. 13.39 લાખ સુધીની છે.
- ઓટોમેટિક વેરિઅન્ટ: ટર્બો પેટ્રોલ ઓટોમેટિક વેરિઅન્ટની કિંમત રૂ. 13.99 લાખથી રૂ. 14.56 લાખની વચ્ચે રાખવામાં આવી છે.
એન્જિન પાવર અને માઈલેજ
આ SUVમાં ગ્રાહકોને બે એન્જિન વિકલ્પો મળે છે:
- 1.2 લિટર નેચરલી એસ્પિરેટેડ એન્જિન: જે 81 bhp પાવર અને 115 Nm ટોર્ક જનરેટ કરે છે.
- 1.2 લિટર ટર્બો પેટ્રોલ એન્જિન: જે 108.6 bhp પાવર અને 190 Nm ટોર્ક જનરેટ કરવાની ક્ષમતા ધરાવે છે.
માઈલેજની બાબતમાં પણ આ કાર પાછળ નથી. રિપોર્ટ્સ અનુસાર, આ SUV એક લિટર પેટ્રોલમાં 17.6 કિમીથી 18.5 કિમી સુધીની શાનદાર માઈલેજ આપે છે, જે મધ્યમ વર્ગના પરિવારો માટે ઉત્તમ સાબિત થઈ શકે છે.
40થી વધુ સેફ્ટી ફીચર્સ અને આધુનિક સુવિધાઓ
સુરક્ષાની દ્રષ્ટિએ સિટ્રોન એરક્રોસ Xમાં કોઈ બાંધછોડ કરવામાં આવી નથી. તેમાં 6 એરબેગ્સ, ABS, EBD, ઇલેક્ટ્રોનિક સ્ટેબિલિટી પ્રોગ્રામ (ESP), હિલ હોલ્ડ આસિસ્ટ અને ટાયર પ્રેશર મોનિટરિંગ સિસ્ટમ જેવા 40થી વધુ સેફ્ટી ફીચર્સ આપવામાં આવ્યા છે.
ગ્રાહકોના આરામ માટે આ કારમાં નીચે મુજબની આધુનિક સુવિધાઓ મળે છે:
- 360 ડિગ્રી કેમેરા અને ઓટો એસી
- એમ્બિયન્ટ લાઈટિંગ અને વેન્ટિલેટેડ સીટ્સ
- વાયરલેસ એપલ કાર પ્લે અને એન્ડ્રોઈડ ઓટો
- Cara વોઈસ આસિસ્ટન્ટ અને ક્રૂઝ કંટ્રોલ
- પુશ સ્ટાર્ટ-સ્ટોપ બટન અને ‘માય સિટ્રોન કનેક્ટ’ એપ
