નફરત અને અશ્લીલતા ફેલાવતી આ 500 વેબસાઈટ્સ પર ભારતે લગાવ્યો પ્રતિબંધ, જવાબદાર સામે થશે કાયદાકીય કાર્યવાહી

દિલ્હી પોલીસના સાયબર સેલે અશ્લિલતા અને નફરત ફેલાવતી લગભગ 500 વેબસાઈટને બંધ કરી દીધી છે. ગૃહમંત્રાલયના સાયબર ક્રાઈમ પ્રિવેશન અગેઇન્સ વૂમન એન્ડ ચિલ્ડ્રન અને સાયબર સેલને મળેલી ફરિયાદો બાદ આ કાર્યવાહી થઈ છે. આ ફરિયાદો અંતર્ગત છેલ્લા 18 મહિનામાં લગભગ 50 અપરાધીઓને જેલના સળિયા પાછળ ધકેલી દેવાયા છે. ગૃહમંત્રાલય અંતર્ગત કામ કરતા દિલ્હી પોલીસના સાયબર સેલ હજુ અન્ય વેબસાઈટો સામે પણ કાર્યવાહી કરી શકે છે.બંધ કરી દેવામાં આવેલી વેબસાઈટમાં સોશિયલ મીડિયા પોસ્ટના યૂઆરએલ પણ છે. આ વેબસાઈટને અન્ય દેશોના પ્રતિબંધિત સંગઠનો દ્વારા ઓપરેટ કરાઈ રહી હતી. આ પ્રતિબંધિત સંગઠનો સ્થાનીક સ્લીપર સેલની મદદથી સોશિયલ મીડિયામાં હજારોની સંખ્યામાં એવા એકાઉન્ટ બનાવી ચૂક્યા હતા કે આ એકાઉન્ટ થકી તેઓ આપત્તિજનક, રાષ્ટ્ર વિરોધી, સમાજ વિરોધી અને માહોલ બગડે તેવી સામગ્રી સોશિયલ મીડિયામાં પોસ્ટ કરતા હતા. સાયબહ સેલ દ્વારા આવા એકાઉન્ટ શોધી કાઢીને તેમને બંધ કરવાની કાર્યવાહી ચાલી રહી છે. સાઈબર સેલના ડીસીપી અનેશ રોયના જણાવ્યા પ્રમાણે આપત્તિજનક સોશિયલ નેટવર્કિંગ સાઈટ્સ કરવા માટે કેટલાક દિવસોના અંતર બાદ સંબંધિત સોશિયલ નેટવર્કના સંચાલકો સાથે મળીને કાર્યવાહી કરવામાં આવેશે. આ એક સતત ચાલતી રહેલી પ્રક્રિયા છે અને તેના માટે સાઈબર સેલ સતત સોશિયલ મીડિયા પર નજર રાખે છે.