શું તમારી પાસે આ શેર છે? કંપની પોતે જ ઊંચા ભાવે શેર પરત ખરીદી રહી છે, જાણો બાયબેકની પૂરી વિગત
છેલ્લા બે વર્ષમાં ભારતીય શેરબજારે રોકાણકારોને અનેક ઉતાર-ચઢાવનો અનુભવ કરાવ્યો છે. એક સમયે જે શેર ખૂબ ઊંચા ભાવે (પ્રીમિયમ વેલ્યુએશન) ટ્રેડ થતા હતા, તે હવે પોતાની સર્વોચ્ચ સપાટીથી ઘણા નીચે આવી ગયા છે. જ્યારે બજારમાં ઘટાડો જોવા મળે છે, ત્યારે ઘણી મજબૂત કંપનીઓ માને છે કે તેમના શેરની કિંમત વાસ્તવિક મૂલ્ય કરતા ઓછી છે. આ જ કારણ છે કે હવે કંપનીઓ ‘બાયબેક’ (શેર પરત ખરીદવા) નો રસ્તો અપનાવી રહી છે.
સામાન્ય રીતે તેજીના બજારમાં પ્રમોટરો પોતાનો હિસ્સો વેચીને નફો મેળવતા હોય છે, પરંતુ જ્યારે કંપની પોતે જ પોતાના શેર બજારમાંથી પાછા ખરીદે, ત્યારે તેને મેનેજમેન્ટનો કંપની પરનો અતૂટ વિશ્વાસ અને મજબૂત બેલેન્સ શીટનો સંકેત માનવામાં આવે છે. અત્યારે બજારમાં બે એવી કંપનીઓ ચર્ચામાં છે જેમના શેર તેમના બાયબેક પ્રાઈસ કરતા 15% થી 25% નીચે ટ્રેડ થઈ રહ્યા છે.
1. Kajaria Ceramics: બાયબેક પ્રાઈસથી 25% ડિસ્કાઉન્ટ પર ઉપલબ્ધ
ટાઇલ્સ અને સેરામિક સેક્ટરની દિગ્ગજ કંપની Kajaria Ceramics એ તાજેતરમાં 297 કરોડ રૂપિયાના બાયબેકનું એલાન કર્યું છે. કંપની 1,380 રૂપિયા પ્રતિ શેરના ભાવે 21.5 લાખ શેર પાછા ખરીદશે.
-
તક ક્યાં છે?: રસપ્રદ વાત એ છે કે અત્યારે બજારમાં આ શેરનો ભાવ અંદાજે 1,100 રૂપિયાની આસપાસ ચાલી રહ્યો છે. એટલે કે, કંપની જે ભાવે શેર ખરીદવાની છે તે અત્યારના ભાવ કરતા લગભગ 25 ટકા વધુ છે.
-
કેમ પસંદ કર્યો બાયબેકનો રસ્તો?: કંપની પાસે હાલમાં મજબૂત કેશ રિઝર્વ (રોકડ ભંડોળ) છે. મેનેજમેન્ટનું માનવું છે કે ડિવિડન્ડ આપવા કરતા બાયબેક વધુ ટેક્સ-એફિશિયન્ટ (કર બચત માટે શ્રેષ્ઠ) છે. આનાથી કંપનીના ‘રિટર્ન ઓન ઇક્વિટી’ (ROE) માં પણ સુધારો થશે.
-
કારબારની સ્થિતિ: કાજરિયા સેરામિક્સ ભારતની સૌથી મોટી ટાઇલ્સ ઉત્પાદક છે. 9 પ્લાન્ટ અને 87.80 મિલિયન સ્ક્વેર મીટરની ક્ષમતા સાથે કંપની સેનિટરીવેર અને પ્લાયવુડ સેક્ટરમાં પણ મજબૂત પકડ ધરાવે છે. નાણાકીય રીતે જોતા, કંપનીનો નફો 62% વધીને 487 કરોડ રૂપિયા થયો છે, જે તેની મજબૂતી દર્શાવે છે.
2. Windlas Biotech: બાયબેક પ્રાઈસ પર 15% પ્રીમિયમની શક્યતા
ફાર્મા સેક્ટરની જાણીતી CDMO (કોન્ટ્રાક્ટ ડેવલપમેન્ટ એન્ડ મેન્યુફેક્ચરિંગ ઓર્ગેનાઈઝેશન) કંપની Windlas Biotech એ પણ બાયબેકની જાહેરાત કરીને બજારનું ધ્યાન ખેંચ્યું છે.
-
બાયબેકની વિગતો: કંપની 1,000 રૂપિયા પ્રતિ શેરના ભાવે 4.7 લાખ શેર પરત ખરીદશે. હાલમાં આ શેર 868 રૂપિયાની આસપાસ ટ્રેડ થઈ રહ્યો છે, જેનો અર્થ છે કે બાયબેક પ્રાઈસ અત્યારના ભાવ કરતા 15 ટકા પ્રીમિયમ પર છે.
-
કંપનીની તાકાત: વિન્ડલાસ બાયોટેકની સૌથી મોટી વિશેષતા એ છે કે તેના લગભગ તમામ પ્રોડક્ટ્સની ઇન્ટેલેક્ચ્યુઅલ પ્રોપર્ટી (IP) પોતાની પાસે છે. તે ભારતની ટોચની ફાર્મા કંપનીઓ માટે ઉત્પાદન કરે છે અને તેની આવકનો 73% હિસ્સો CDMO બિઝનેસમાંથી આવે છે.
-
નાણાકીય દેખાવ: વર્ષના પ્રથમ નવ મહિનામાં કંપનીની આવક 19% વધીને 666 કરોડ રૂપિયા રહી છે, જ્યારે નેટ પ્રોફિટમાં 13% નો વધારો નોંધાયો છે.
બાયબેક રોકાણકારો માટે શું સંકેત આપે છે?
જ્યારે કોઈ કંપની બાયબેક કરે છે, ત્યારે તેના અનેક ફાયદા રોકાણકારોને મળે છે:
-
મેનેજમેન્ટનો વિશ્વાસ: આ દર્શાવે છે કે કંપનીના સંચાલકોને લાગે છે કે તેમના શેરનો ભાવ બજારમાં ઓછો આંકવામાં આવ્યો છે.
-
EPS માં સુધારો: બજારમાં શેરની સંખ્યા ઓછી થવાને કારણે ‘અર્નિંગ પર શેર’ (EPS) વધે છે, જે શેરના ભાવને ઉપર લઈ જવામાં મદદ કરે છે.
-
વેલ્યુ અનલોકિંગ: બાયબેક પ્રાઈસ અને કરંટ માર્કેટ પ્રાઈસ વચ્ચેનો તફાવત રોકાણકારો માટે ટૂંકા ગાળામાં નફો મેળવવાની તક પૂરી પાડે છે.
