‘હું છૂપી રીતે જમશેદપુર ગયો અને ધોનીની પસંદગી અટકાવી દીધી’: સૌરવ ગાંગુલીનો ચોંકાવનારો ખુલાસો!

જો સૌરવ ગાંગુલીએ તે દિવસે એ ભૂલ કરી હોત, તો કદાચ આપણને ‘કેપ્ટન કૂલ’ એમએસ ધોની ન મળ્યો હોત!

ભારતીય ક્રિકેટના ઇતિહાસમાં જ્યારે પણ સૌથી સફળ કેપ્ટનોની વાત નીકળે છે, ત્યારે બે નામ હંમેશા મોખરે રહે છે સૌરવ ગાંગુલી અને મહેન્દ્ર સિંહ ધોની. પણ શું તમે જાણો છો કે જો સૌરવ ગાંગુલીએ એક રાત્રે ગુપ્ત નિર્ણય ન લીધો હોત, તો કદાચ દુનિયાને ‘કેપ્ટન કૂલ’ એમએસ ધોની ક્યારેય મળ્યો જ ન હોત?

તાજેતરમાં, પૂર્વ ભારતીય કેપ્ટન સૌરવ ગાંગુલીએ એક સ્ફોટક અને ચોંકાવનારો ખુલાસો કર્યો છે. તેમણે જણાવ્યું કે કેવી રીતે તત્કાલીન ચીફ સિલેક્ટર કિરણ મોરે એમએસ ધોનીને ટીમમાં લાવવા માટે ઉતાવળા હતા, પણ ગાંગુલીએ તે નિર્ણયને છેલ્લી ઘડીએ અટકાવી દીધો હતો. એટલું જ નહીં, ધોનીને પોતાની આંખોથી રમતો જોવા માટે ગાંગુલી કોઈને પણ કહ્યા વગર છૂપી રીતે જમશેદપુર પહોંચી ગયા હતા!

‘હું તેને પહેલાં પોતાની આંખે રમતો જોવા માંગતો હતો’

રાજ શમાનીના લોકપ્રિય પોડકાસ્ટ પર વાતચીત કરતી વખતે સૌરવ ગાંગુલીએ વર્ષો જૂની યાદો તાજી કરી હતી. ગાંગુલીએ જણાવ્યું કે જ્યારે કિરણ મોરેએ તેમને ધોની નામના એક લાંબા વાળવાળા છોકરા વિશે વાત કરી, જે બિહાર અને ઇન્ડિયા-એ (India-A) માટે તોફાની બેટિંગ કરી રહ્યો હતો, ત્યારે ગાંગુલી સીધા કોઈ નિર્ણય પર પહોંચવા માંગતા નહોતા.

પંડ્યા બ્રધર્સ વચ્ચે ઝઘડાની વાત માત્ર અફવા? કૃણાલ પંડ્યાએ હાર્દિક સાથેના સંબંધો પર તોડ્યું મૌન

ટીમ ઈન્ડિયાને મોટો આંચકો: ઈજાના કારણે વિરાટ કોહલી અફઘાનિસ્તાન વનડે શ્રેણીમાંથી બહાર!

ગાંગુલીએ પોડકાસ્ટમાં ખુલાસો કરતા કહ્યું:

“મેં કિરણ મોરેના નિર્ણયને થોડા દિવસો માટે હોલ્ડ પર રાખ્યો હતો. હું આખરી નિર્ણય લેતા પહેલા ધોનીને રૂબરૂ મળવા માંગતો હતો અને તેને લાઈવ રમતો જોવા માંગતો હતો. તેથી, કોઈને પણ ખબર ન પડે એ રીતે હું ગુપ્ત રીતે જમશેદપુર ગયો. ધોનીને પણ ખબર નહોતી કે ભારતીય ટીમનો કેપ્ટન સ્ટેડિયમમાં છુપાઈને તેને જોઈ રહ્યો છે.”

જમશેદપુરમાં ધોનીની એ વિસ્ફોટક બેટિંગ અને વિકેટની પાછળની ચપળતા જોઈને ગાંગુલીના મનમાંથી તમામ શંકાઓ દૂર થઈ ગઈ. તેમને સમજાઈ ગયું કે આ કોઈ સામાન્ય ખેલાડી નથી, પરંતુ ભારતીય ક્રિકેટને બદલી નાખનારો હીરો છે. ગાંગુલીએ આગળ કહ્યું, “ત્યાંથી પાછા આવ્યા પછી મારો ખચકાટ ગાયબ થઈ ગયો હતો. મેં સિલેક્ટર્સને કહી દીધું કે અમારે આ છોકરાને ગમે તેમ કરીને ટીમમાં લેવો જ પડશે.”

ગાંગુલીનું ફાસ્ટ-ટ્રેક મોડેલ: “પ્રતિભાને ધીમા તાપે રાંધશો તો તે બળી જશે”

પોડકાસ્ટ દરમિયાન દાદાએ (સૌરવ ગાંગુલી) ખેલાડીઓની પસંદગી પાછળની પોતાની ફિલોસોફી પણ સમજાવી. તેઓ ધીમે ધીમે ખેલાડીઓને તૈયાર કરવાના (Slow grooming) પક્ષમાં ક્યારેય નહોતા. તેમનું માનવું હતું કે જો કોઈ ખેલાડીમાં કાચી અને મેચ જીતાડવાની ક્ષમતા (Match-winning talent) હોય, તો તેને તરત જ મોટી જવાબદારી સોંપી દેવી જોઈએ.

ગાંગુલીએ ખૂબ જ સચોટ શબ્દોમાં કહ્યું:

સૂર્યકુમાર યાદવના સુવર્ણ યુગનો અંત: વર્લ્ડ કપ જીતાડનાર કેપ્ટન કેમ ટીમમાંથી આઉટ થયો?

સૌરવ ગાંગુલીને મોટો ઝટકો: પશ્ચિમ બંગાળ સરકારનો સુરક્ષા બાબતે મોટો નિર્ણય

“જે ખેલાડી સારો છે, તેને ફાસ્ટ-ટ્રેક કરવો જ પડે. તમે તેને ઘરેલું ક્રિકેટમાં લાંબો સમય સુધી છોડી ન શકો. જો તમે તેને પાછળ રાખીને ધીમે-ધીમે રાંધતા રહેશો (Slow cooking), તો એક દિવસ તેની અંદરની એ આક્રમક પ્રતિભા જ પૂરી થઈ જશે, તે બળી જશે.”

ગાંગુલીના આ જ આક્રમક પ્રમોશન મોડેલના કારણે ભારતીય ક્રિકેટને વીરેન્દ્ર સેહવાગ, યુવરાજ સિંહ, હરભજન સિંહ, મોહમ્મદ કૈફ અને આખરે એમએસ ધોની જેવા દિગ્ગજો મળ્યા. ગાંગુલીએ આ પાછળનો ક્રિકેટિંગ તર્ક સમજાવતા કહ્યું:

Sourav Ganguly on how he Select Ms dhoni in team India 🤯 pic.twitter.com/jdWSoTJfJ7

— Sumit (@beingsumit01) May 15, 2026

“આ આખી સિસ્ટમનો ખેલ છે. જો તમે તમારા સ્તરથી ઉપરના સ્તરના (Higher level) લોકો સાથે રમશો, તો તમારી રમત આપોઆપ ઉપર આવશે. જો તમે નબળા સ્તરે રમતા રહેશો, તો તમારી રમત પણ નીચે ચાલી જશે.”

શૂન્ય રનથી શરૂ થયેલી સફર અને વિશાખાપટ્ટનમનો એ માસ્ટરસ્ટ્રોક

એમએસ ધોનીની આંતરરાષ્ટ્રીય કારકિર્દીની શરૂઆત કોઈ સપના જેવી નહોતી, બલ્કે તે એક દુઃસ્વપ્ન જેવી હતી. ડિસેમ્બર 2004માં બાંગ્લાદેશ સામે ચટ્ટોગ્રામમાં ગાંગુલીની કેપ્ટનશીપ હેઠળ ધોનીએ ડેબ્યૂ કર્યું હતું. પરંતુ તે મેચમાં ધોની માત્ર એક જ બોલ રમી શક્યો અને શૂન્ય રન પર રનઆઉટ થઈને પેવેલિયન ભેગો થઈ ગયો.

કોઈપણ સામાન્ય ખેલાડી કે કેપ્ટન માટે આ એક મોટો આંચકો હોત અને કદાચ આગામી મેચોમાં તેને પડતો મૂકવામાં આવ્યો હોત. પરંતુ ગાંગુલીને ધોની પર પૂરો ભરોસો હતો.