મોદીજી છાતી ઠોકવાનું બંધ કરો, ડોકલામમાં ચીન રોડ બનાવે છે – રાહુલ ગાંધી

ડોકલામમાં ચીનની સેનાએ રોડ તૈયાર કર્યો હોવાના અહેવાલ બાદ કોંગ્રેસ ઉપાધ્યક્ષ રાહુલ ગાંધીએ પીએમ મોદી પર નિશાન સાધ્યું છે. રાહુલે ટ્વિટ કરીને કહ્યું, “મોદીજી!ચીનની સેના ડોકલામના પઠારી વિસ્તારમાં સડક બનાવી રહ્યું છે. હવે તમે છાતી ઠોકવાનું બંધ કરો. કૃપા કરી તેને સમજવાની કોશિશ કરો.” જે ગત વખતના વિવાદિત વિસ્તારથી માત્ર 12 કિમી દૂર છે. તેથી ચીન ફરી એકવખત ડોકલામ મુદ્દો ગરમાવવામાં લાગી ગયું હોય તેમ લાગે છે. ડોકલામ સરહદે ફરી એકવાર તનાવના એંધાણ મળી રહ્યા છે. વિસ્તારમાં ચીને પોતાના 500 સૈનિકોની સુરક્ષા હેઠળ રોડના નિર્માણનું કામ શરૂ કર્યું છે. વિસ્તારમાં પોતાનું વર્ચસ્વ મજબૂત કરવા માટે ચીને હિલચાલ શરૂ કરી છે. વાયુદળના વડા ધનોઆએ જણાવ્યું હતું કે ડોકલામની ચુંબી ઘાટીમાં હજુ પણ ચીની સૈનિકો ઉપસ્થિત છે.