વેલેન્ટાઈન ડે ઉપર અમદાવાદ ખાતે ઇવેન્ટ મેનેજમેન્ટ ના કામ માટે પોતાની સહેલીઓ સાથે આવેલી મુંબઈની 19 વર્ષીય યુવતી ને કેફી પીણું પીવડાવી બે ઈસમો એ ગેંગરેપ કર્યો હોવાની ફરિયાદ નારોલ પોલીસ મથકે કરતા પોલીસે એક ની ધરપકડ કરી છે જયારે શાહીલ શેખ નામનો ઈસમ ફરાર થઈ ગયો છે.
અમદાવાદમાં નારોલના આકૃતિ ટાઉનશિપ ખાતે આવેલી 19 વર્ષ ની યુવતીને ઊંઘ આવી જતાં સોફામાં સુઈ ગઈ હતી ત્યારે બે શખસો એક યુવતીને બેડરૂમમાં લઇ જઇ વારાફરતી બળાત્કાર ગુજાર્યો હતો. આ બળાત્કાર ગુજારવાની ઘટનામાં એક યુવતી પણ મદદ કરી હતી. નારોલ પોલીસે આ મામલે બે યુવક અને યુવતી સામે ગુનો નોંધ્યો છે. પોલીસે યુવતી અને એક યુવકની ધરપકડ કરી છે.
મુંબઈની મરાઠા કોલોનીમાં રહેતી 19 વર્ષ ની યુવતી 13 ફેબ્રુઆરીના રોજ તેની અન્ય છ બહેનપણીઓ સાથે અમદાવાદમાં ઇવેન્ટ માટે ટ્રેનમાં બેસી આવી હતી. નારોલના આકૃતિ ટાઉનશિપ ખાતે તેની બહેનપણી સાથે રોકાઇ હતી. રાત્રે તેમની સાથે સુરતના દાનાવાળા એપાર્ટમેન્ટ ખાતે રહેતી તાન્યા દાનાવાલા, તસકીલ ઉર્ફે મોન્ટુ કુરેશી અને સાહિલ શેખ આવ્યા હતા. તમામ લોકોએ સાથે બેસી પીણું પીધું હતું દરમિયાનમાં યુવતીને ઊંઘ આવી જતાં સોફામાં સુઈ ગઈ હતી. તાનિયા,તસકીલ અને અન્ય યુવતીને ઉચકી બેડરૂમમાં લઇ ગયા હતા. જ્યાં પહેલા સાહિલ શેખે યુવતી ઉપર બળાત્કાર ગુજાર્યો હતો.
દરમિયાનમાં યુવતી જાગી જતાં તેને ગુપ્ત ભાગે દુઃખાવો થવા લાગ્યો હતો. તેની સાથે દુષ્કર્મ થયું હોવાની જાણ થતાં પોતે અન્ય બહેનપણીઓ સાથે અહીંયા નથી રોકાવું, આપણે મુંબઇ જતાં રહીએ તેમ કહી જતી હતી. દરમિયાનમાં ફ્લેટના રહીશો જાગી ગયા હતા અને લોકો ભેગા થઇ જતાં સાહિલ શેખ મોકો જોઈ ત્યાંથી નાસી ગયો હતો. જ્યારે તાન્યા અને તસકીલને લોકોએ પકડી લીધા હતા. યુવતીને ગુપ્ત ભાગે દુઃખાવો થતો હોવાથી તેને સારવાર માટે એલજી હોસ્પિટલમાં ખસેડવામાં આવી હતી. ઇવેન્ટ મેનેજમેન્ટના કામ માટે આવેલી યુવતી સાથે બંને યુવકોએ તેના મિત્રની મદદથી બળાત્કાર ગુજારતા નારોલ પોલીસ સ્ટેશનમાં સાહિલ, તસકીલ અને તાન્યા વિરુદ્ધ ગુનો નોંધવામાં આવ્યો હતો અને તાન્યા અને તસકીલની ધરપકડ કરવામાં આવી છે.
