આજકાલ ધૂતરા નો એટલો બધો ત્રાસ વધ્યો છે જેઓ ભોળા દેખાતા ખાસ કરીને સિનિયર સીટીઝન ને છેતરી ને લૂંટી લેતા હોય છે આવાજ એક બનાવ માં પોતાના પત્ની નું ઓપરેશન કરાવવા આવેલા એક ઉંમર લાયક કાકા ને બે ગઠિયા પૈસા મંતરી આપવાનું કહી રૂ.60 હજાર લઇને ભાગી ગયા હતા પરિણામે વૃદ્ધ પડી ભાંગ્યા હતા.
અમદાવાદની સિવિલ હોસ્પિટલમાં બનાસકાઠાના સુઈગામ ખાતેથી પત્નીનું ગાંઠનું ઓપરેશન કરાવવા માટે આવેલા સિનિયર સિટીઝનને બે ગઠિયા છેતરીને 60 હજાર રૂપિયા લઈને ફરાર થઈ જતા આ અંગે શાહિબાગ પોલીસને જાણ કરતાં પોલીસે ફરિયાદના આધારે તપાસ હાથ ધરી છે.
વિગતો મુજબ બનાસકાંઠાના સુઈગામ ખાતે રહેતા ખોડાભાઈ રજપૂત તેઓના પત્નિ લીલાબેનને આંતરડામાં ગાંઠ થઈ જતા જેની સારવાર માટે તેઓ પાટણની સિવિલ હોસ્પિટલ ગયા હતા ત્યાનાં તબીબે અમદાવાદની સિવિલ હોસ્પિટલમાં સારવાર કરાવાનું જણાવતા આ વૃધ્ધ અસારવા સિવિલ હોસ્પિટલનાં કેન્સર વિભાગમાં ગયા હતા. જ્યાં તબીબે તેઓની પત્નિનું આતંરડાનું ઓપરેશન કરવાનું જણાવ્યુ હતુ.
તા. 23મી માર્ચે ખેડાજીની પત્નિ લીલાબેનનું સિવિલ હોસ્પિટલમાં આંતરડાનુ ઓપરેશન થયુ હોવાથી તેઓનો દિકરો અને ભત્રીજો પત્નિ સાથે હોસ્પિટલમા રોકાયા હતા અને ખેડુત સિવિલ હોસ્પિટલ સામે જીવરાજ માસ્તરની ચાલીમાં આવેલા રાજપૂત સમાજ ભવનમાં રોકાયા હતા. તેઓ 25મી માર્ચે ગુરૂવારનાં રોજ ઓપરેશન માટે સવારે સિવિલ હોસ્પિટલમાં જતાં હતાં ત્યારે રસ્તામાં બે ઈસમો એ તેમને ઉભા રાખીને તમે દેવમાં માનો છો? એવો સવાલ કર્યો હતો. બાદમાં બે શખ્સોએ ખોડાજી પાસે એક રૂપિયાનો સિક્કો માંગ્યો હતો અને ખોડાજીએ તેમને સિક્કો આપ્યો હતો.
ત્યારે બે શખ્સમાંથી એક શખ્સે તે રૂપિયાનો સિક્કો પોતાની મુઠ્ઠીમાં બંધ રખાવ્યો હતો. ખોડાજીએ મુઠ્ઠી ખોલીને જોતા રૂપિયાનો સિક્કો કંકુવાળો થઈ ગયો હતો. જે બાદ શખ્સે ખોડાજી રાજપૂતને “તમારા પાસે બીજા પૈસા છે તે આપો મંતરી આપુ ” તેવુ કહેતા વૃધ્ધે પોતાનાં પાસે પૈસા ન હોવાનું જણાવ્યુ હતુ. જે બાદ બન્ને શખ્સોએ ખોડાજીનાં ખીસ્સાને અડીને પૈસા છે તેમ કહ્યુ હતુ. જેથી અંતે વૃધ્ધે પોતાનાં ખીસ્સામાંથી કોથળીમાં વીટાળેલી 500 રૂ. ના દરની 120 ચલણી નોટ એમ કુલ 60 હજાર રૂપિયા કાઢીને તે શખ્સનાં હાથમાં મુકી હતી.
તે શખ્સે રૂપિયા એક સફેદ કાગળમાં મુકીને પોતે પાછળ ફરીને આ પૈસા લઈ લઉ કે પાછા આપુ તેવુ કહેતા શખ્સે વૃધ્ધને સફેદ પડીકુ આપીને રિક્ષામાં બેસીને બન્ને શખ્સો ફરાર થઈ ગયા હતા.ખોડાજી રાજપૂતે થોડા આગળ ચાલીને પડીકુ ખોલીને જોતા તેમાં કાગળનાં ડુચા હતા. જેથી તે બન્ને શખ્સોએ વાતોમાં ભોળવી તેઓની પાસેનાં 60 હજાર લઈને ફરાર થઈ જતા આ મામલે શાહિબાગ પોલીસ સ્ટેશનમાં છેતરપીંડીની ફરિયાદ નોંધાઈ છે.
આમ આવા અજાણ્યા ઈસમો હાથ ચાલકી કરી આવી રીતે સિનિયર સિટીઝન ને લૂંટી રહ્યા હોવાના બનાવો વધી ગયા છે.
