વડગામના અપક્ષ ધારાસભ્ય જીગ્નેશ મેવાણી કોરોના પોઝીટિવ આવ્યા છે જિગ્નેશ મેવાણીએ ખુદ ટ્વીટ કરીને પોતાની તબિયત અંગે જાણકારી આપી છે. થોડા દિવસ પહેલા તેમની તબિયત બગડતા તેમણે કોરોના ટેસ્ટ કરાવતા રિપોર્ટ પોઝિટિવ આવ્યો છે.
જીગ્નેશ મેવાણી હાલ આઈસોલેશનમાં છે અને તેમણે અપીલ કરી છે કે, તેમના સંપર્કમાં આવેલ લોકો કવોરનટાઇન થઈ જાય અને પોતાનો કોરોના ટેસ્ટ કરાવી લે. આ સાથે જ ધારાસભ્ય જીગ્નેશ મેવાણીએ લોકોને માસ્ક પહેરવા, ઘરમાં રહેવા અને સોશિયલ ડિસ્ટન્સ જાળવી રાખવાની અપીલ કરી છે. તેમણે પોતાના ટ્વીટમાં પોતાના જીવના જોખમે પોતાની ફરજ બજાવી રહેલા મેડિકલ સ્ટાફ, ડૉક્ટરો સહિત અન્ય ફ્રન્ટ લાઈન વર્કર્સનો આભાર માન્યો છે.
રાજ્યમાં મંત્રીઓ તથા ધારાસભ્યો,પોલીસ,સરકારી અધિકારીઓ પણ કોરોના સંક્રમિત થઈ રહ્યા છે ત્યારે કોરોના એ રાજ્યમાં ગતિ પકડતા લોકો એ હવે જાતેજ કાળજી રાખવાનો સમય આવી ગયો છે.
