દેશ માં કોરોના એ હવે આતંક મચાવ્યો છે અને છેલ્લા 24 કલાકમાં સૌથી વધુ 2 લાખ 60 હજાર 533 નવા પોઝિટિવ કેસો સામે આવ્યા છે, છેલ્લા 24 કલાકમાં એક લાખ 38 હજાર 156 લોકો સાજા થયા હતા અને 1492 લોકોએ જીવ ગુમાવ્યો હતો.
શનિવારે સૌથી વધુ કેસ ધરાવતા રાજ્યોમાં મહારાષ્ટ્ર (67,123), ઉત્તરપ્રદેશ (27,334), દિલ્હી (24,375), કર્ણાટક (17,489) અને છત્તીસગઢ (16,083)નો સમાવેશ થાય છે. દેશમાં ગઇકાલે સામે આવેલા કુલ નવા કેસોમાંથી 58% થી વધુ કેસ આ રાજ્યોમાં જ નોંધાયા છે.હાલ માં સારવાર લઈ રહેલા દર્દીઓના આંકમાં પણ સતત વધારો થયો છે અને ગઈકાલે 1.20 લાખનો વધારો થયો છે. હાલમાં દેશમાં 17 લાખ 93 હજાર 976 લોકોની સારવાર કરવામાં આવી રહી છે. છેલ્લા થોડા દિવસોથી એક્ટિવ કેસોની સંખ્યા જે ગતિ સાથે વધી રહી છે, આજે આ આંકડો 18 લાખને પાર પહોંચી જવાની શક્યતા છે.
આમ સતત કેસો વધી રહ્યા છે અને દેશ ની કમ્મર તૂટી રહી હોવાનું સપાટી ઉપર આવી રહ્યું છે.
