ભારતમાં કોરોના વાયરસના વધતા કેસને પગલે દુનિયાભરમાંથી ભારત આવનારી ફ્લાઈટો પર બેન લાગી રહ્યા છે. હોંગકોંગે રવિવારે ભારતી આવનારી ઉડાનો પર રોક લગાવી દીધી છે. તો ઓમાને પણ ભારત જનારા પોતાના મુસાફરો માટે એડવાઈઝરી જારી કરી છે. બીજી તરફ બ્રિટેન સાથે ભારતના એર બબલ સમજૂતી કરી છે પરંતુ દેશમાં માગ ઉઠવા લાગી છે કે ભારને રેડ લિસ્ટમાં શામેલ કરવામાં આવે. આ લિસ્ટમાં સામેલ થશે તો ભારતઈ બ્રિટન આવનાર જનાર ફ્લાઈટ પર રોક લાગી જશે.દુનિયાભરમાં ઘણાં દેશોમાં કોરોનાના કેસમાં ખૂબજ ઝડપથી વધારો થઈ રહ્યો છે. એવામાં ઘણાં વિસ્તારોમાં સંક્રમણની ઝડપ રોકવા વેક્સિનેશન પર જોર આપવામાં આવ્યું છે. ભારતમાં ખૂબજ ઝડપી સંક્રમણ ફેલાઈ રહ્યું હોઈ ઘણાં વિસ્તારોમાં ભારતથી આવનારી ફ્લાઈટો પર બેન લગાવવા માગ ઉઠી છે. ભારતે દુનિયાના 28 દેશો સાથે એરબબલ સમજૂતિ કરી છે. જેમાં વિશેષ સમજૂતિ હેઠળ આંતરરાષ્ટ્રીય ઉડાન થઈ શકે છે.
હોંગકોંગ સરકારે 20 એપ્રિલથી 3 મે સુધી ભારત તરફથી આવતી ફ્લાઇટ્સ પર પ્રતિબંધ મૂક્યો છે. એવું કહેવામાં આવ્યું છે કે ભારતમાં કોરોનાના વધતા જતા કેસોને કારણે આ નિર્ણય લેવામાં આવ્યો છે. આ સિવાય પાકિસ્તાન અને ફિલિપાઇન્સથી આવતી ફ્લાઇટ્સ પર પણ પ્રતિબંધ મૂકવામાં આવ્યો છે. જણાવી દઈએ કે હોંગકોંગના નિયમો હેઠળ, મુસાફરે પ્રવાસના 72 કલાક પહેલા કોવિડ આરટી-પીસીઆર ટેસ્ટનો નેગેટિવ રિપોર્ટ બતાવવો પડશે. નવી દિલ્હી સ્થિત ઓમાન એમ્બેસીએ તેના નાગરિકોને ભારત યાત્રા ન કરવા સલાહ આપી છે. તેણે કહ્યું છે કે જ્યાં સુધી તે એકદમ જરૂરી ન હોય ત્યાં સુધી ભારતની યાત્રા ટાળો. આ નિર્ણય ઓમાન દ્વારા લેવામાં આવ્યો છે, જ્યારે ભારતમાં કોવિડના બે લાખ કેસ નોંધાયા છે. જો કે, ભારતના લોકો ઓમાન જઈ શકે છે, કારણ કે સરકારે ઓમાન સાથે એર બબલ કરાર પર હસ્તાક્ષર કર્યા છે.
યુકેના ટોચના વૈજ્ઞાનિકે માંગ કરી છે કે યુકે સરકારે ભારતને ‘રેડ લિસ્ટ’માં શામેલ કરવું જોઈએ, કારણ કે ત્યાં કોરોનાનું એક નવું રૂપ મળી આવ્યું છે. વળી, ભારતમાં કોરોનાના કિસ્સા વધી રહ્યા છે. લંડનની ઇમ્પીરીયલ કોલેજના પ્રોફેસર ડેની ઓલ્ટમેને કહ્યું કે આ પ્રકારો અત્યંત જોખમી હોઈ શકે છે, તેથી સરકારે રેડ યાદીમાં ભારતને શામેલ કરવું જોઈએ. જણાવી દઈએ કે બ્રિટને ભારત સાથે એર બબલ કરાર કર્યો છે. સાઉદી અરેબિયાએ 3 ફેબ્રુઆરીએ ભારત સહિત 20 દેશોના લોકો પર પ્રતિબંધ મૂક્યો હતો. સાઉદી અરેબિયાએ કહ્યું કે આ પ્રતિબંધ લાદવામાં આવ્યો છે જેથી કોરોના સાથે યોગ્ય રીતે નિયંત્રણ લાવવા માટે આ નિર્ણય લેવાયો છે. જો કે, આ નિર્ણયની ઘોષણા કરતી વખતે આ પ્રતિબંધ કેટલો સમય લાગુ રહેશે તે અંગે માહિતી આપવામાં આવી નથી. આવી સ્થિતિમાં ભારતથી સાઉદી અરેબિયા જતી ફ્લાઇટ્સ હવે બંધ થઈ ગઈ છે.
