મુંબઇઃ દેશમાં 1લી મે, 2021ના રોજથી કોરોના રસીકરણ અભિયાનનો બીજો તબક્કો શરૂ થવાનો છે તેની પહેલા જ રાજ્યો માટે એક રાહતજનક સમાચાર આવ્યા છે. જેમાં કોવિશિલ્ડ બનાવતી સીરમ સંસ્થાએ રાજ્ય સરકાર માટે રસીના ભાવમાં ધરખમ ઘટાડો કર્યો છે. સીરમના સીઈઓ આદર પૂનાવાલાએ આ અંગે ટ્વીટ કર્યું છે
હવે આટલા રૂપિયામાં મળશે વેકસીન આપશે
દેશમાં કોરોના કહેર વચ્ચે વેક્સિનેશન થકી લડવાની તૈયારીઓ ચાલે છે. 1 મેથી તમામ રાજ્યોમાં 18 વર્ષથી ઉપરના તમામને વેક્સિન આપવાની તૈયારીઓ ચાલી રહી છે. જેમાં કેન્દ્ર સરકાર તરફથી 50 ટકા વેક્સિન ખરીદાશે તો 50 ટકા વેક્સિન રાજ્ય સરકારને ખરીદવાની છે. કોવિશિલ્ડ બનાવી રહેલી સીરમ ઈન્સ્ટીટ્યૂટે વેક્સિનની કિંમતો રાજ્ય સરકાર માટે ઘટાડી દીધી છે. સીરમના સીઈઓ અદાર પૂનાવાલાએ ટ્વિટ કરીને જણાવ્યું કે હવે રાજ્યોને વેક્સિનનો એક ડોઝ 400 રૂપિયાની જગ્યાએ 300 રૂપિયામાં આપવામાં આવશે. ખાનગી હોસ્પિટલોને આનાથી રાહત નહીં મળે. તમામ ડોઝ પર રાજ્ય સરકારના 100 રૂપિયા બચશે. અદારપૂનાવાલાએ જણાવ્યું કે સિરમના આ નિર્ણયથી હજારો કરોડની બચત થશે. જોકે આનાથી સામાન્ય લોકો પર અસર નહી પડે.
As a philanthropic gesture on behalf of @SerumInstIndia, I hereby reduce the price to the states from Rs.400 to Rs.300 per dose, effective immediately; this will save thousands of crores of state funds going forward. This will enable more vaccinations and save countless lives.
— Adar Poonawalla (@adarpoonawalla) April 28, 2021
વેક્સિનના જુદા જુદા ભાવોના વિવાદ પછી કેન્દ્ર સરકાર પણ તેમાં દખલ થઇ હતી. એવું કહેવામાં આવી રહ્યું છે કે કેન્દ્ર સરકારે ભારત બાયોટેક અને સીરમ ઇન્સ્ટિટ્યૂટને વેક્સિનના ભાવ ઘટાડવાની સંભાવના વિશે તપાસવા કહ્યું હતું. ત્યાર બાદ સીરમ સંસ્થાએ રાજ્ય સરકારો માટે કોવિશિલ્ડના ભાવમાં 100 રૂપિયા ઘટાડો કર્યો છે. એવું પણ કહેવામાં આવી રહ્યું છે કે ભારત બાયોટેક ટૂંક સમયમાં રાજ્યો માટે વેક્સિનના ભાવ ઘટાડી શકે છે.
ઉલ્લેખનિય છે કે, કેન્દ્ર અને રાજ્ય સરકારોને આપવામાં આવતી કોરોના વેક્સીનની કિંમત અલગ અલગ હોવા અંતે વિવાદ થયો હતો. જેમાં કોવિશીલ્ડ બનાવી રહેલી સીરમે વેક્સિનની એક ડોઝની કિંમત કેન્દ્ર સરકાર માટે 150 રૂપિયા, રાજ્ય સરકાર માટે 400 રૂપિયા અને ખાનગી હોસ્પિટલો માટે 600 રૂપિયા નક્કી કર્યા હતા. જ્યારે બીજી તરફ ભારત બાયોટેકે કોવેક્સિનની એક ડોઝ કેન્દ્ર સરકારને 150 રૂપિયામાં, રાજ્ય સરકારને 600 રૂપિયા અને ખાનગી હોસ્પિટલને 1200 રૂપિયામાં આપશે.
