ગંભીર બીમારીઓ વચ્ચે પણ કમાલનો ઉત્સાહ, સલમાન ખાનની લેટેસ્ટર્સ્ટ પોસ્ટે મચાવી ધમાલ!
બોલીવુડ સુપરસ્ટાર સલમાન ખાન ફરી એકવાર હેડલાઇન્સમાં ચમક્યો છે – કોઈ ફિલ્મ માટે નહીં, પરંતુ સોશિયલ મીડિયા પર વાયરલ થયેલા એક વીડિયો અને ત્યારબાદ મળેલા મજાકિયા પ્રતિભાવ માટે. તાજેતરમાં, ‘ભાઈજાન’નો એક વીડિયો વાયરલ થયો હતો, જેના કારણે તેના ચાહકો ખૂબ જ ચિંતિત થયા હતા. ક્લિપમાં, સલમાન તેના સામાન્ય સ્વભાવની તુલનામાં નોંધપાત્ર રીતે થાકેલા અને નબળા દેખાતા હતા, જેના કારણે તેના સ્વાસ્થ્ય વિશે અનેક પ્રશ્નો ઉભા થયા હતા. જોકે, સલમાને હવે ટીકાકારો અને ચિંતિત ચાહકો બંનેને પોતાની અનોખી શૈલીમાં તીક્ષ્ણ છતાં રમૂજી જવાબ આપ્યો છે.
તબિયતને લઈને અફવાઓ કેમ ઉડી હતી?
સમગ્ર મામલો એ છે કે થોડા સમય પહેલા સલમાન ખાન મુંબઈ સ્થિત સ્લમ રિહેબિલિટેશન ઓથોરિટી કાર્યાલય પહોંચ્યા હતા. ત્યાં તેમણે નવા બનેલા ડેટા કલેક્શન એન્ડ સેગ્રિગેશન સપોર્ટ સેન્ટરનું ઉદ્ઘાટન કર્યું હતું. આ ઇવેન્ટનો જેવો વીડિયો સામે આવ્યો, તે સોશિયલ મીડિયા પર જંગલની આગની જેમ ફેલાઈ ગયો. વીડિયોમાં સલમાનના ચહેરા પર થાક સ્પષ્ટ દેખાઈ રહ્યો હતો, જેને જોઈને ફેન્સ તેમની તબિયતને લઈને ભારે ટેન્શનમાં આવી ગયા હતા. લોકો સોશિયલ મીડિયા પર સતત એ પૂછવા લાગ્યા હતા કે આખરે ભાઈજાનની તબિયતને શું થઈ ગયું છે?
પનવેલ ફાર્મહાઉસથી શેર કરી સ્ટાઇલિશ તસવીરો
ફેન્સની વધતી ચિંતાઓને ધ્યાનમાં રાખીને સલમાન ખાને મૌન તોડ્યું અને પોતાના પનવેલ ફાર્મહાઉસથી કેટલીક બેહદ સ્ટાઇલિશ તસવીરો ઇન્સ્ટાગ્રામ પર શેર કરી દીધી. આ તસવીરોમાં સલમાન હંમેશાની જેમ ડેશિંગ લાગી રહ્યા છે. તેમણે કાઉબોય હેટ, લેધર જેકેટ અને કુલ ટી-શર્ટ પહેરેલી છે.
તસવીરો શેર કરતી વખતે સલમાને કેપ્શનમાં માત્ર એક જ લાઈન લખી, “તમારી તબિયત કેમ છે?” તેમનો આ અનોખો અને મસ્તીખોર અંદાજ ફેન્સને ખૂબ જ ગમ્યો. આ એક જ લાઈન દ્વારા તેમણે તે તમામ લોકોને જવાબ આપી દીધો જે તેમની તબિયતને લઈને અટકળો લગાવી રહ્યા હતા.
ફેન્સે વહાવ્યો પ્રેમ, બોલ્યા— “તમે ઠીક તો અમે ઠીક”
સલમાનની આ પોસ્ટ પર ફેન્સની પ્રતિક્રિયાઓ આવવી સ્વાભાવિક હતી. પોસ્ટ શેર થતાની સાથે જ કોમેન્ટ્સનો ધોધ વહી ગયો. એક યુઝર નેહાએ લખ્યું, “જો તમે ઠીક છો તો અમે બધા પણ ઠીક છીએ સર, તમે કેમ છો એ જણાવો.” જ્યારે રકીબ નામના યુઝરે લખ્યું, “તમે સલામત રહો ભાઈ.” અન્ય એક ફેને તો ત્યાં સુધી લખી દીધું કે “ઉપરવાળો તમને મારી ઉંમર પણ આપી દે.” ફેન્સની આ પ્રેમભરી કોમેન્ટ્સે સાબિત કરી દીધું કે લોકો સલમાન સાથે કેટલો લગાવ ધરાવે છે.
કઈ ગંભીર બીમારીઓ સામે લડી રહ્યા છે ભાઈજાન?
નોંધનીય છે કે સલમાન ખાન અગાઉ પણ ખુદ એ ખુલાસો કરી ચૂક્યા છે કે તેઓ પોતાની જિંદગીમાં ઘણી ગંભીર સ્વાસ્થ્ય સમસ્યાઓનો સામનો કરી રહ્યા છે. ‘ધ ગ્રેટ ઇન્ડિયન કપિલ શો’ દરમિયાન તેમણે પીડા વ્યક્ત કરતા જણાવ્યું હતું કે તેઓ પાંસળીઓ તૂટવા અને હાડકાં ચટકવા છતાં સતત કામ કરી રહ્યા છે. તેમણે જણાવ્યું હતું કે તેઓ ‘ટ્રાઇજેમિનલ ન્યુરલજીયા’ જેવી દર્દનાક બીમારીથી પીડાઈ રહ્યા છે, તેમના મગજમાં એન્યુરિઝમ (Aneurysm) અને એવી માલફોર્મેશન (AV Malformation) જેવી સમસ્યાઓ પણ છે. આ તમામ શારીરિક મુશ્કેલીઓ છતાં સલમાનનો આ જોશ ખરેખર કાબિલે તારીફ છે કે તેઓ આજે પણ પૂરી લગનથી પોતાના કામમાં વ્યસ્ત છે.
