કોરોનાનો એક નવો લક્ષણ સામે આવ્યો છે, જેને હેપ્પી હાઇપેક્સિયા નામ આપવામાં આવ્યું છે.કોરોનાની બીજી લહેરમાં હેપ્પી હાઇપોક્સિયા રોગ નવી સમસ્યા બનીને સામે આવ્યો છે. તે કોરોનાનું એક એવું લક્ષણ છે, જેમા શ્વાસ લેવામાં તકલીફ પણ નથી થતી અને નબળાઇ પણ અનુભવાતી નથી. પરંતુ હેપ્પી હાઇપેક્સિયા ચોરી-ચોરી તેનું કામ કરે છે. કોરોના હોસ્પિટલોમાં તેનાથી પીડિત અનેક દર્દી સામે આવ્યા છે. આ દર્દીમાં કોઈ લક્ષણ નથી, તેમ છતાંય Oxygen લેવલ એકદમથી ઘટી ગયુ. સારવાર દરમિયાન અનેક દર્દીઓ મૃત્યુ પામ્યા. આવી સ્થિતિમાં દર્દીને ખબર નથી પડતી, પરંતુ તેના ફેફસા 70 ટકા સુધી સંક્રમિત થઇ જાય છે, તેથી અચાનક ઓક્સિજન સેચ્યુરેશન ઘટી જાય છે. એવામાં યુવાનોને વધુ ગંભીર થવાની જરૂર છે, કારણ કે તેઓ લક્ષણને સીરિયસ નથી લેતા. હેપ્પી હાઈપેક્સિયા કોરોનાના નવા લક્ષણ છે. ડોક્ટરનું કહેવુ છે કે કોરોના દર્દીઓમાં શરૂઆતમમાં કોઈ લક્ષણ નથી દેખાતા. દર્દી સ્વસ્થ અનુભવે છે, પરંતુ અચાનક ઓક્સિજન લેવલ ઘટવાથી સ્થિતિ ગંભીર બની જાય છે અને દર્દીને ICUમાં દાખલ કરવા પડે છે. સમસ્યા ગંભીર થતા મૃત્યુનું પણ જોખમ રહે છે. હાઈપોક્સિયા કિડની, મગજ, હ્રદય અને અન્ય પ્રમુખ અંગના કામ પ્રભાવિત કરે છે.
